بۇگىن فۋتبولدان قازاقستان ۇلتتىق قۇراماسى سىرت الاڭدا اۋسترياعا قارسى جاسىل الاڭعا شىعادى. ەل قۇراماسى UEFA ۇلتتار ليگاسىنىڭ ۆ ديۆيزيونىندا ءۇشىنشى ويىنىن وتكىزەدى, دەپ جازادى Egemen.kz.
اۋستريا-قازاقستان ماتچى لينتس قالاسىنداعى «رايففايزەن ارەنا» ستاديونىندا وتەدى. كەزدەسۋ استانا ۋاقىتىمەن 23.45-تە باستالادى دەپ جوسپارلانعان.
بۇل ويىنعا شوتلانديالىق تورەشىلەر قازىلىق ەتەدى. باس تورەشى - دونالد روبەرتسون.
بۇعان دەيىن ەل قۇراماسى وز الاڭىندا نورۆەگيامەن 0:0 ەسەبىمەن تەڭ تۇسسە, سىرت الاڭدا سلوۆەنياعا 0:3 ەسەبىمەن ەسە جىبەردى.
ايتا كەتەيىك, قازاقستان فۋتبولشىلارى اۋسترياعا 5 قازان كۇنى تابان تىرەپ, ويىنعا دايىندىعىن باستاعان.