كاسىپوداقتار كۇنى قارساڭىندا استانادا «ەڭبەك ەۆوليۋتسياسى: كليمات, قۇزىرەتتىلىك, كود» تاقىرىبىندا حالىقارالىق جۇمىسشى ماماندىقتارىنىڭ جاستار فورۋمى ءوتتى, دەپ حابارلايدى Egemen.kz مادەنيەت جانە اقپارات مينيسترلىگىنە سىلتەمە جاساپ.
جيىندا قازاقستان, ازەربايجان, وزبەكستان, قىرعىزستان, تاجىكستان ساراپشىلارى ءسوز سويلەپ, كليماتتىق وزگەرىستەردىڭ, تسيفرلاندىرۋدىڭ جانە جاڭا تەحنولوگيالاردىڭ جۇمىسشى ماماندىقتارىنا اسەرىن تالقىلادى.
اتالعان ماسەلەلەردىڭ وزەكتىلىگىن مادەنيەت جانە اقپارات مينيسترلىگىنىڭ جاستار جانە وتباسى ىستەرى كوميتەتىنىڭ توراعاسى قايرات قامباروۆ اتاپ ءوتتى.
«مەملەكەت باسشىسى قازاقستان حالقىنا ارناعان جولداۋىندا 2025 جىلدى جۇمىسشى ماماندىقتار جىلى دەپ جاريالادى. وسى ۋاقىت ىشىندە تەحنيكالىق جانە كاسىپتىك ءبىلىم بەرۋ جۇيەسىن رەفورمالاۋ قاجەت. جۇمىسشى ماماندىقتار جىلى قوعامىمىزدا ەڭبەكقورلىق پەن كاسىبيلىك يدەياسىن ىلگەرىلەتۋگە ىقپال ەتەدى», دەدى ول.
سونىمەن قاتار فورۋم قاتىسۋشىلارىنا جاساندى ينتەللەكتپەن جۇمىس ىستەۋ داعدىلارىن جانە PR, SMM نەگىزدەرىن ۇيرەتۋگە ارنالعان پراكتيكالىق سەسسيالار ۇيىمداستىرىلدى.