قىزىلوردا وبلىسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىندا كامەلەتكە تولماعان سوتتالۋشىلارعا قاتىستى قىلمىستىق ءىس قارالدى , دەپ حابارلايدى Egemen.kz اۋداندىق سوتتىڭ ءباسپاسوز قىزمەتىنە سىلتەمە جاساپ.
شيەلى اۋدانى, قودامانوۆ اۋىلىنىڭ 10-سىنىپ وقۋشىلارى ق. مەن ج. سىنىپتاستارىمەن بىرگە تومەنگى سىنىپتا وقيتىن 9-سىنىپ وقۋشىلارى وزدەرىمەن امانداسپاي, سىيلاماي جۇرگەنىن العا تارتىپ, ولاردى تارتىپكە كەلتىرۋ ءۇشىن اۋىل شەتىنە جيناپ, بەتتەرىنەن ۇرىپ شىققان.
سوتتالۋشى ق. وقۋشىلاردى ۇرىپ كەلە جاتىپ, جابىرلەنۋشى ا.-نىڭ كوكىرەك تۇسىنان جۇدىرىعىمەن ءبىر مارتە قاتتى سوققى جاساعان. سونىڭ سالدارىنان جابىرلەنۋشى جۇرەگىنىڭ رەفلەكتورلى توقتاۋىنا اكەلىپ, اۋىر دەنە جاراقاتىنىڭ سالدارىنان قايتىس بولعان.
«ساراپتاما قورىتىندىسىنا سايكەس, سوتتالۋشى ق.-نىڭ سوققىسىنان جابىرلەنۋشىگە «كەۋدەنىڭ جابىق جاراقاتىنان جۇرەكتىڭ رەفلەكتورلى توقتاۋى, جەدەل جۇرەك-قان تامىر قىزمەتىنىڭ جەتىسپەۋشىلىگى» اۋىر دارەجەلى دەنە جاراقاتى كەلگەنى انىقتالعان. سوت ۇكىمى بويىنشا كامەلەتكە تولماعان سوتتالۋشى ق. قك-ءنىڭ 106-بابىنىڭ 3-بولىگىندە كوزدەلگەن قىلمىستىق قۇقىق بۇزۋشىلىق جاساعانى ءۇشىن كىنالى دەپ تانىلىپ, 6 جىل 8 اي باس بوستاندىعىنان ايىرۋ جازاسى تاعايىندالدى» دەلىنگەن اۋدانارالىق سوتتىڭ ءباسپاسوز قىزمەتىنىڭ حابارلاماسىندا.
ۇكىم زاڭدى كۇشىنە ەنگەن جوق.