كونستيتۋتسيا ادامنىڭ ءومىرى مەن دەنساۋلىعىنا قولايلى قورشاعان ورتانى قورعاۋدى ءوزىنىڭ ماقساتى ەتىپ قويدى.
سيرەك كەزدەسەتىن جانە قۇرىپ كەتۋ قاۋپى تونگەن, سونداي-اق تىيىم سالىنعان وسىمدىكتەر مەن جانۋارلار تۇرلەرىن قورعاۋ تاسىلدەرىنىڭ ءبىرى جانۋارلار دۇنيەسىنىڭ الۋان تۇرلىلىگىن ساقتاۋعا قول سۇعاتىن سۋبەكتىلەرگە قىلمىستىق-قۇقىقتىق شارالار قولدانۋ بولىپ تابىلادى.
«وسى كەزەڭدە قىلمىستىق كودەكستىڭ 339-بابى بويىنشا 796 ادامعا قاتىستى بارلىعى 608 قىلمىستىق ءىس قارالدى (ۇكىم شىعارۋمەن). سوتتالعانداردىڭ 22,5 پايىزى باس بوستاندىعىنان ايىرىلدى. ال 18 ءىس وڭالتۋعا جاتپايتىن نەگىزدەر بويىنشا (قك-ءنىڭ 68-بابىنىڭ 3-بولىگى), 1 ءىس وڭالتۋ بەلگىلەرى بويىنشا توقتاتىلدى. سونداي-اق, 3 اقتاۋ ۇكىم شىعارىلدى. اپەللياتسيادا 228 ادامعا قاتىستى ۇكىمگە شاعىم ءتۇسىرىلىپ, 10-ىنا قاتىستى ۇكىمنىڭ كۇشى جويىلدى, 47-سىنە قاتىستى ۇكىم وزگەرتىلگەن. ال كاسساتسيادا 30 ادامعا قاتىستى ءىس قارالىپ, 4-ءۋىنىڭ ۇكىمى جويىلىپ, 17-ءسىنىڭ ۇكىمى وزگەرتىلدى», دەلىنگەن قر جوعارعى سوتىنىڭ حابارلاماسىندا.
جالپى, قورىتۋ جاسالعان ساناتتاعى سوت پراكتيكاسى تۇراقتىلىقپەن سيپاتتالادى, ال سوتتار, جالپى العاندا, قىلمىستىق زاڭنامانى دۇرىس قولدانادى.قورىتۋلاردا قىلمىستىڭ اۋىرلىعىنا قاراي جازانى دارالاۋ ماقساتىندا ءىس-ارەكەتتەردى سارالاۋ ماسەلەلەرىن كورسەتەدى. جانۋارلاردى اتۋعا نەمەسە ۇستاۋعا قاتىسقان ادامدارعا نەعۇرلىم قاتاڭ جازا بەرىلسە, دەريۆاتتار زاتتاردى يەلەنۋگە كىنالىلەرگە جەڭىلىرەك جازا قولدانىلادى.
جانۋارلاردى تابيعي ورتادان تىكەلەي شىعارعان ادامداردان زالالدى دۇرىس ءوندىرىپ الۋ ءۇشىن قورشاعان ورتاعا كەلتىرىلگەن زالالدى وتەۋ ماسەلەلەرى دە كوتەرىلەدى.
قىلمىس جاساعان ادامداردىڭ ارەكەتتەرىن قك-ءنىڭ 339-بابىندا كوزدەلگەندەي, قك-ءنىڭ 337-بابىنا سايكەس قىلمىستىق قۇقىق بۇزۋشىلىقتاردىڭ جيىنتىعىنسىز قايتا سارالاۋ ۇسىنىلدى.
سوتتالعان ادامدى قانداي قىزمەتپەن اينالىسۋ قۇقىعىنان ايىراتىن ءتۇرىن كورسەتپەي, قوسىمشا جازا تاعايىنداۋعا بولاتىن جاعدايلارعا مىسالدار كەلتىرىلگەن.
قورىتۋلار زاڭنامانى جەتىلدىرۋ قاجەتتىلىگىنە نازار اۋدارادى.