اقتوبە. 28 قاڭتار. وبلىستاعى جەدەل جاعدايدى ساۋىقتىرۋ, اتىس قارۋىن, جارىلعىش زاتتاردى قولدانۋ ارقىلى جاسالاتىن قىلمىستاردى اشۋ جانە ەسكەرتۋ ماقساتىندا ۇستىمىزدەگى جىلعى 26 قاڭتار مەن 20 اقپان ارالىعىندا وبلىستىق ىشكى ىستەر دەپارتامەنتى «قارۋ» جەدەل-پروفيلاكتيكالىق ءىس-شاراسىن وتكىزۋدە. بۇل تۋرالى egemen.kz ءتىلشىسى حابارلادى.
اكتسيا بارىسىندا زاڭسىز اينالىمداعى اتىس قارۋلارىن, وق-دارىلەردى, جارىلعىش زاتتاردى, تىركەلمەگەن قارۋلاردى انىقتاۋ جانە الۋ جۇزەگە اسىرىلۋدا. سونىمەن قاتار, قالادا, ەلدى مەكەندەردە, اۋىل ايماقتاردا, سونداي-اق جەكە قوجالىقتاردا ازاماتتاردان زاڭسىز اينالىمنان اتىس قارۋلارىن, وق-دارىلەردى, جارىلعىش زاتتاردى انىقتاۋ جانە الۋ رەيدتىك ءىس-شارالارى جۇرگىزىلىپ جاتىر. قارۋ يەلەرى تۇرعىلىقتى جەرى بويىنشا تەكسەرىلىپ, ولاردىڭ قارۋدى پايدالانۋ, ۇستاۋ جانە ساقتاۋ تالاپتارىن ورىنداۋى تەكسەرىلۋدە.
«قارۋ» جەدەل-پروفيلاكتيكالىق ءىس-شاراسىنىڭ ءبىرىنشى كۇنى اقتوبەلىك پوليتسەيلەر 32 اكىمشىلىك قۇقىق بۇزۋشىلىقتى انىقتادى, ونىڭ ىشىندە 23-ءى ازاماتتىق قارۋدى ساقتاۋ مەرزىمىن جانە ەرەجەسىن بۇزعاندار, 8-ءى ازاماتتىق قارۋدى تىركەۋ (قايتا تىركەۋ) ءتارتىبىن بۇزعان, 1-ءى ازاماتتىق قارۋدى زاڭسىز ساقتاعان. بارلىق انىقتالعان دەرەكتەر بويىنشا زاڭ تالاپتارى مۇلتىكسىز ورىندالىپ, قۇقىق بۇزۋشىلاردان قارۋلار مەن وق-دارىلەر تاركىلەنىپ اكىمشىلىك جاۋاپكەرشىلىككە تارتىلدى. اكتسيا جالعاسۋدا.
ساتىبالدى ءساۋىرباي.
دەرەك: egemen.kz.
سۋرەت: cripo.com.