اتىراۋ. 28 قاڭتار. اتىراۋ وبلىسىنىڭ پروكۋراتۋرا قىزمەتكەرلەرى بىلتىر جەرگىلىكتى بيۋدجەتكە 7,5 ملرد. تەڭگەنى قايتاردى. بۇل تۋرالى egemen.kz ءتىلشىسى حابارلادى. وبلىس پروكۋرورى عالىمجان توعىزباەۆتىڭ ءمالىم ەتۋىنشە, مەملەكەتتىڭ ەكونوميكالىق مۇددەلەرىن قورعاۋ ماقساتىندا 7,5 ميلليارد تەڭگە زالال ءوندىرىلىپ, بيۋدجەتكە قۇيىلعان. ماسەلەن, يگەرىلمەگەن جەرلەردى مەملەكەتكە قايتارۋ جۇمىستارى جالعاستىرىلىپ, الىپ-ساتۋ جولدارىنا شەكتەۋ قويۋ ارقىلى جالپى قۇنى 2 ميلليارد تەڭگە بولاتىن 2 500 گەكتارلىق 86 جەر تەلىمى مەملەكەت مەنشىگىنە بەرىلدى.
مەملەكەتتىك ساتىپ الۋ زاڭدىلىعىن قاداعالاۋ بويىنشا ەنگىزىلگەن اكتىلەر نەگىزىندە 2 كونكۋرستىڭ كۇشى جويىلىپ, سوماسى 2,2 ميلليارد تەڭگە زالالدىڭ الدى الىندى. سىبايلاس جەمقورلىق كورىنىستەرىنە قارسى جۇرگىزىلگەن شارالاردىڭ ناتيجەسىندە 29 لاۋىزىمدى تۇلعا تارتىپتىك, 9 تۇلعا قىلمىستىق جاۋاپكەرشىلىككە تارتىلدى.
جولداسبەك شوپەعۇل.
دەرەك: egemen.kz.
سۋرەت: altaynews.kz.