«نۇر وتان» پارتياسى ورتالىق اپپاراتىنىڭ جەتەكشىسى تاعايىندالدى

استانا. 28 قاڭتار. «نۇر وتان» پارتياسى ورتالىق اپپاراتىنىڭ جەتەكشىسى بولىپ جانات قوجاحمەتوۆ تاعايىندالدى. بۇل تۋرالى nurotan.kz. ج.قوجاحمەتوۆ 1979 جىلى تۋعان. ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىن تامامداعان. ماماندىعى – حالىقارالىق-زاڭگەر. ءار جىلدارى قارجى مينيسترلىگىندە, پرەزيدەنت اكىمشىلىگىنىڭ جۇيەلى زەرتتەۋلەر ورتالىعىندا, يندۋستريا جانە ساۋدا مينيسترلىگى باسەكەلەستىكتى قورعاۋ بويىنشا كوميتەتىندە لاۋازىمدى قىزمەتتەر اتقارعان. 2010-2014 جىلدارى ارالىعىندا مەملەكەتتىك ينسپەكتور, پرەزيدەنت اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمى مەڭگەرۋشىسىنىڭ ورىنباسارى, تۇتىنۋشىلار قۇقىقتارىن قورعاۋ اگەنتتىكتىڭ جاۋاپتى حاتشىسى بولدى. ول وسى لاۋازىمعا تاعايىندالعانعا دەيىن «نۇر وتان» پارتياسى توراعاسى ءبىرىنشى ورىنباسارىنىڭ كەڭەسشىسى قىزمەتىن اتقاردى. «قۇرمەت» وردەنىمەن ماراپاتتالعان. جولدىباي بازار. دەرەك, سۋرەت: nurotan.kz.