تانىمال ءانشى, قر ەڭبەك سىڭىرگەن ءارتىسى گۇلنار سيقىمباەۆا قايتىس بولدى. جانازاسى ەرتەڭ 6 قازان كۇنى تۇركىستان وبلىسى تولەبي اۋدانى جامبىل اۋىلىنداعى ءوزى تۋىپ-وسكەن قاراشاڭىراقتا وتەدى, دەپ حابارلايدى Egemen.kz.
ءانشىنىڭ قازاسى تۋرالى حاباردى جۋرناليست ورالحان ءداۋىت Facebook پاراقشاسىندا جازدى.
«قايران, گۇلنار اپكە…
ءبىر اۋىلدا تۋىپ-وسسەك تە جۇزبە-ءجۇز سويلەسۋدى اللا تاعالام جازباعان ەكەن. تەلەفون ارقىلى تالاي مارتە اڭگىمەلەسىپ, سۇحبات تا الدىم. وتە اشىق جارقىن, كەرەمەت جان ەدىڭىز.
ومىردەن ەرتە وتكەن اناڭىز تۋرالى ءجيى ايتىپ, مۇڭايىپ قالۋشى ەدىڭىز. ەندى مىنە, اياق استىنان اناڭىزدىڭ ارتىنان اتتانىپ كەتە بارىپسىز…
اللا تاعالام و دۇنيەڭىزدى بەرسىن», دەپ جازدى ورالحان ءداۋىت.