تۇركىستان وبلىسى بويىنشا «قازسۋشار» فيليالى تۇلكىباس اۋدانىندا جالپى ۇزىندىعى 125 شاقىرىمنان اساتىن قولدانىستاعى 13 كانالدى قالپىنا كەلتىرۋ جوباسىن جۇزەگە اسىرىپ جاتىر. قازىرگى تاڭدا كانالدىڭ 42 شاقىرىمى تولىق بەتوندالدى, دەپ حابارلايدى Egemen.kz قر سۋ رەسۋرستارى جانە يرريگاتسيا مينيسترلىگىنە سىلتەمە جاساپ.
كەشەندى قايتا جاڭعىرتۋدىڭ نەگىزگى ماقساتى - تۇلكىباس اۋدانىنداعى قولدانىستاعى جانە جاڭادان يگەرىلەتىن 8 600 گەكتارعا جۋىق ەگىس القابىن سۋارمالى سۋمەن تۇراقتى قامتاماسىز ەتۋ بولىپ تابىلادى.
مەردىگەر مەكەمە رەكونسترۋكتسيالاۋ جۇمىستارىن جىل سوڭىنا دەيىن تولىق اياقتاۋدى جوسپارلاپ وتىر.
«قۇرىلىس جۇمىستارىن مەرزىمىندە اياقتاۋ ءۇشىن كانالعا تەمىربەتون پليتالارىن توسەيمىز. بۇل - كانال سالۋ جانە رەكونسترۋكتسيالاۋ تاجىريبەسىندەگى ءتيىمدى ءتاسىل», دەدى تۇركىستان وبلىسى بويىنشا «قازسۋشار» فيليالىنىڭ ديرەكتورى قازىبەك بەدەباەۆ.