قر سىبايلاس جەمقورلىققا قارسى ءىس-قيمىل اگەنتتىگى الماتىنىڭ تاۋ بوكتەرىندە ورنالاسقان ءزاۋلىم ءۇيدىڭ ساتىلىمعا شىعارىلعانى تۋرالى اقپاراتتى زەرتتەيدى, دەپ حابارلايدى Egemen.kz.
بۇعان دەيىن الەۋمەتتىك جەلىلەردە سىبايلاس جەمقورلىققا قارسى قىزمەت باستىعىنىڭ بۇرىنعى ورىنباسارىنىڭ جۇبايى الماتىدا وتباسىلىق ءزاۋلىم ءۇيدى ساتىلىمعا شىعارعانى تۋرالى اقپارات تاراعان ەدى. كەيبىر دەرەكتەر بويىنشا بۇل ءۇي 2 ميلليارد تەڭگەگە باعالانعان.
انتيكور توراعاسىنىڭ ءبىرىنشى ورىنباسارى ۇلان سارقۇلوۆ بۇل اقپاراتقا قاتىستى پىكىر ءبىلدىردى.
ء«بىز دە حابارلامانى كوردىك. قىزمەتكەرلەرىمىزدىڭ نازارىنا الىندى. تاعى ءبىر ماسەلەنى بىردەن اتاپ وتكىم كەلەدى, ەگەر بۇل ءۇي دەكلاراتيۆتى بولسا, ەگەر ءتيىستى تۇردە تىركەلگەن بولسا, بارلىعى زاڭ شەڭبەرىندە بولسا, ءبىز اتالعان ءۇي يەسىنىڭ جەكەمەنشىك قۇقىعىن قۇرمەتتەۋىمىز كەرەك. بۇنى زەرتتەۋ قاجەت», دەدى سارقۇلوۆ ءماجىلىس كۋلۋارىندا.