استانادا 5-12 قازان كۇندەرى ارالىعىندا كورۋ قابىلەتى تومەن جانە زاعيپ سپورتشىلار اراسىندا IBSA پاۋەرليفتينگ جانە جاتىپ سىعىمداۋدان الەم چەمپيوناتى وتەدى, دەپ حابارلايدى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.
اتالعان سپورتتىق ءىس-شارا قازاقستاندا العاش رەت ۇيىمداستىرىلىپ وتىر. وعان الەمنىڭ تۇكپىر-تۇكپىرىنەن جينالعان ەڭ مىقتى سپورتشىلار قاتىسادى. چەمپيوناتقا 9 ەلدەن 71 سپورتشى قاتىسادى: قازاقستان, گرۋزيا, ۋكراينا, تۇركيا, مىسىر, ليۆيا, چەحيا, يزرايل, كەنيا. جالپى قاتىسۋشىلار سانى 130 ادامدى قۇرايدى, ونىڭ ىشىندە جاتتىقتىرۋشىلار, كومەكشىلەر جانە تورەشىلەر بار.
بۇل چەمپيونات قازاقستاندا زاعيپ سپورتشىلار اراسىندا پاۋەرليفتينگتەن وتكىزىلەتىن الەمدىك دەڭگەيدەگى العاشقى ءىس-شارا بولىپ سانالادى. چەمپيونات ەلىمىزدە ينكليۋزيۆتىكتى قولداۋعا جانە مۇمكىندىگى شەكتەۋلى جانداردىڭ سپورتىن دامىتۋعا ماڭىزدى ۇلەس قوسادى
ءىس-شاراعا كىرۋ تەگىن.
چەمپيونات قازاقستاننىڭ پارا پاۋەرليفتينگ فەدەراتسياسى مەن زاعيپ سپورت اسسوتسياتسياسىمەن ۇيىمداستىرىلىپ, تۋريزم جانە سپورت مينيسترلىگى مەن استانا قالاسى اكىمدىگىنىڭ قولداۋىمەن وتكىزىلەدى.