ۇشقىندادى ۇلاندار ۇمتىلىسى

قاراعاندى وبلىسىنداعى سپاسسك وقۋ-جاتتىعۋ ورتالىعى پوليگونىندا «ايبىن» رەسپۋبليكالىق تۇڭعىش اسكەري-پاتريوتتىق جيىنى ءوتتى ايماقتارداعى اسكەري مەكتەپتەر مەن ينتەرناتتاردىڭ, رەسپۋبليكالىق «جاس ۇلان» اسكەري مەكتەبى مەن «ارىستان» ليتسەيى تاربيەلەنۋشىلەرىنىڭ, اسكەري-پاتريوتتىق كلۋبتار مۇشەلەرىنىڭ, جوعارى وقۋ ورىندارى اسكەري كافەدرالارى ستۋدەنتتەرىنىڭ اراسىندا ەلىمىز تاريحىندا ءبىرىنشى رەت ۇيىمداستىرىلعان بۇل شاراعا 800-دەن استام جاستار قاتىسىپ, دا­لالىق جاعدايدا اسكەري-قول­دانبالى سپورت تۇرلەرىنەن ءۇش كۇن بويى سايىسقا ءتۇستى. جارىس باعدارلاماسى بويىنشا دەنە دايار­لىعىن ايقىندايتىن نەگىزگى كۇش­تىك جاتتىعۋلارمەن بىرگە اك-74 قارۋىنان 100 مەتر قا­شىق­­تىق­تاعى نىسانا كوزدەۋ, پنەۆ­ما­تيكالىق مىلتىقتان اتۋ, گازتۇم­شانى جەدەل كيۋ, قارۋ-جاراقتى تولىق اسىنىپ جۇگىرۋ, كۇتىل­مەگەن قيىندىقتاردى ەڭسەرۋ جانە مەديتسينالىق جاردەم كور­سەتۋ سياقتى سىناقتار جارىس كورىگىن قىزدىردى. جيىن­نىڭ باس­تى ماقساتى – قارۋلى كۇش­تەر قا­تارىنداعى جاۋىنگەرلىك قىز­مەت­كە دايارلاۋ, ازاماتتىق پارىزدى وتەۋ كەزىندە قاجەت داعدىلار مەن ەپتى­لىكتى قالىپتاستىرۋ ورىندالدى. جيىننىڭ جابىلۋ ءراسى­مىن­دە قورعانىس ءمينيسترى يمان­عا­لي تاسماعامبەتوۆ قازاق­ستان رەسپۋبليكاسىنىڭ پرەزي­دەنتى – قارۋلى كۇشتەردىڭ جوعار­عى باس قولباسشىسى ن.ءا.نازار­باەۆ­­تىڭ جاستاردىڭ «ايبىن» رەس­­پۋبليكالىق اسكەري-پات­ريوت­تىق جيىنىنا قاتىسۋ­شىلار­عا جولداعان حاتىن وقىپ, قۇت­تىق­تاۋىن جەتكىزدى. «قازاق­ستاننىڭ اسكەري-پاتريوت­تىق كلۋبتارىنىڭ ۇزدىك وكىل­دەرىنە, اسكەري مەك­تەپتەردىڭ وقۋ­شى­لارى مەن جوعارى وقۋ ورىن­دارىنىڭ اسكەري كافەدرا­لارى ستۋدەنتتەرىنە شىن جۇرەك­تەن ىستىق ىقىلاسىمدى بىلدىرەمىن. ەلىمىزدە جاس ۇرپاقتى قازاقستان رەسپۋبليكاسىنىڭ قارۋلى كۇشتەرى قاتارىنداعى جاۋىنگەرلىك قىزمەتكە دايار­لاپ جاتقان 2 مىڭعا جۋىق اسكە­ري-پاتريوتتىق ۇيىم بار. وتا­نىمىزدى – ماڭگىلىك ەلدى قورعاۋ جانە اسكەر قاتارىندا قىز­مەت ەتۋ – ءار قازاقستاندىقتىڭ قاس­تەرلى بورىشى. كاسىبي وتان قور­عاۋشى بولۋ – جوعارى پاتريو­تيزمنىڭ كورىنىسى. سىزدەر حالقىمىزدىڭ داڭقتى تاريحىنىڭ لايىقتى مۇراگەرلەرى رەتىندە بۇدان 70 جىل بۇرىن ۇلى وتان سوعىسىندا جەڭىسكە جەتكەن باتىرلار ەرلىگىن ءاردايىم ەستە ساقتايدى دەپ سەنەمىن. اسكەرگە, ونىڭ زامانعا ساي قارۋلانۋى-نا جانە اسكەري دايىندىعىنا قامقورلىق – قازاقستاندى نىعاي­تۋ جولىنداعى 100 ناقتى قادام­نىڭ – ۇلت جوسپارىنىڭ ماڭىزدى بولىگى. ونى جۇزەگە اسىرۋ ءىسى باس­تالىپ تا كەتتى. جاستاردىڭ «ايبىن» رەس­پۋب­ليكالىق اسكەري-پاتريوتتىق جيىنىنا قاتىسۋشىلارعا توزىمدىلىك, مىقتىلىق, اسكەري بەيىمدىك, كو­ماندالىق رۋح جانە ءوزارا جول­داستىق كومەككە ادالدىق تىلەي­مىن!» دەلىنگەن حاتتا. اسكەري-قولدانبالى سپورت ءتۇر­لەرىنەن قالالىق جانە وبلىستىق جارىستاردىڭ جەڭىمپازدارى مەن جۇلدەگەرلەرى كۇش سىناسقان سايىستىڭ ويىن ناتيجەلەرى بويىنشا جالپىكوماندالىق ءبىرىنشى ورىندى اسكەري-پاتريوتتىق كلۋبتار, جوو اسكەري كافەدرالار جانە رەسپۋبليكالىق اسكەري – مەكتەپ-ينتەرناتتارى اراسىندا استانا قالاسىنداعى «جاس ۇلان» اسكەري-پاتريوتتىق كلۋبى, د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتى, ت.بي­گەلدينوۆ اتىنداعى قاراعاندى رەس­پۋبليكالىق اسكەري-مەك­تەپ-ينتەرناتىنىڭ كوماندالارى يەلەندى. سونداي-اق, اسكەري­لەندىرىلگەن ەستافەتا قورى­تىن­دىسىندا م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەت, اقمولا وبلىسىنىڭ «ايبىن» اسكەري-پاتريوتتىق كلۋبى, شىمكەنت قالاسىنداعى س.راقىموۆ اتىنداعى رەسپۋب­ليكالىق اسكەري-مەكتەپ ينتەرنات وكىلدەرى جەڭىس تۇعىرىنا كوتەرىلدى. جەڭىمپازدارعا ارنال­عان كۋبوكتار مەن ديپلومداردى قورعانىس ءمينيسترى يمان­عالي تاسماعامبەتوۆ, حالىق قاھارمانى, پارلامەنت ءماجىلى­سىنىڭ دەپۋتاتى باقىتجان ەرتاەۆ, وبلىس اكىمى نۇرمۇحامبەت ءابدى­بەكوۆ تابىس ەتتى. اتالعان جيىن قاتىسۋشى­لاردىڭ قاي-قايسىسى بولماسىن ۇلكەن ازاماتتىق اسەرگە بولەدى. «ءبىز وسى جارىستاردى اسىعا كۇتتىك. دايىندىعىمىز دا جاقسى بولدى. بارلىق قابىلەتىمىزدى تانىتۋعا مۇمكىندىك بەرىلدى. ارينە, جەڭىسكە جەتۋ وڭايلىققا سوققان جوق. مەن پاراشيۋتپەن جايلاپ قونا بىلگەنىم ءۇشىن ارناۋلى بەلگىگە يە بولدىم. ونى قورعانىس ءمينيسترىنىڭ ءوزى كەۋدەمە تاعۋىنا قۋانىشتىمىن.بۇل ماعان قانات ءبىتىردى, دەسانت­شى بولۋعا دەگەن ارمانىم ۇلكەيدى. بولاشاقتا قازاقستاننىڭ اەروۇتقىر اسكەرىندە قىزمەت ەتكىم كەلەدى», – دەدى شىمكەنتتەگى «جاس بۇركىت» اسكەري-پاتريوتتىق كلۋبىنىڭ تاربيەلەنۋشىسى مۇحاممەد اقاشەۆ. «ال مەن جاس­تايىمنان قالاعان كاسىبي اسكەري ماماندىقتى مەڭگەرۋگە ءبىر تابان تاياۋمىن. ەكى جىلدان سوڭ اسكەري مەكتەبىمىزدىڭ تۇلەگى رەتىندە ارناۋلى وقۋ ورنىندا ءبىلىم تەرەڭدەتپەكپىن. جيىن ءبارىمىز ءۇشىن شىڭدالۋ مەن تاربيە سىناعى بولدى. وسى شارا تۇراقتى وتكىزىلىپ تۇرسا نۇر ۇستىنە نۇر. بار بايلىقتان قىم­بات تاۋەلسىزدىگىمىزدىڭ قالقانى, ونى قىزعىشتاي قوريتىن ازاماتى بولۋعا, وتانىمىز, ەلىمىز بولا­شاعى ءۇشىن ايانباي ەڭبەك ەتۋگە داي­ىنمىن», – دەگەن ت.بيگەلدينوۆ اتىن­داعى قاراعاندى رەسپۋب­ليكا­لىق اسكەري-مەكتەپ ينتەر­ناتى­نىڭ تاربيەلەنۋشىسى نۇر­باتىر قاسكەيدىڭ پىكىرى دە تۇرعى­لاسى اقاشەۆ وي-تىلەگىمەن بىردەي شىقتى. جيىننىڭ اياقتالۋى سالتاناتى سوڭىندا وعان قاتىسۋشىلار ءاس­كەري شوۋدى تاماشالادى. كوك جۇزىنە سامعاپ, اسپان تورىندەگى شەبەرلىكتەرىن ۇشقىر ۇشاقتارى ارقىلى ورنەكتەر سالۋمەن تانىتقان ۇشقىشتار, تىكۇشاقتان توبىمەن توگىلە تومەن قالقىپ, كوك تۋدى ورتادا جەلبىرەتكەن قالپىندا ءبارى بىردەي ءبىر نۇكتەگە قونعان پاراشيۋتشىلەر, ور تەكەدەي قىردان-قىرعا, ويدان-ويعا ورعىعان موتوتسيكليستەر, قولما-قول ايقاس تارلاندارى ونەرى وسىنداي ساڭلاق ساربازدار ساپىنا قوسىلۋعا تالاپتىلار مۇراتىن ءوسىردى. ايقىن نەسىپباي, «ەگەمەن قازاقستان». قاراعاندى وبلىسى.