عالىمدار قازاقستاننىڭ وڭتۇستىگىندە, قىزىلقۇم شولىنەن عىلىمدا بەلگىسىز بولعان ورمەكشىنىڭ 2 ءتۇرىن تاپتى, دەپ حابارلايدى Egemen.kz.
قر زوولوگيا ينستيتۋتى اراحنولوگيا زەرتحاناسىنىڭ قىزمەتكەرلەرى تابىلعان ورمەكشىلەردى زەرتتەپ, ولاردىڭ كوبىنە تۇنگى ۋاقىتتا بەلسەندى, ال كۇندىز قاراڭعى جەرلەردە ۇيىقتايتىنىن انىقتاپ, اڭشىلار تۇقىمداسىنا جاتادى دەگەن توقتامعا كەلگەن.
ء«بىزدىڭ اراحنولوگتار ورمەكشىنىڭ 54 ءتۇرىن تاپتى. ولاردىڭ 27 ءتۇرى قىزىلقۇم شولىندە بۇرىننان تىرشىلىك ەتەدى. ال 10 ءتۇرى قازاقستان اۋماعىندا بايقالماعان. ولاردىڭ تىرشىلىك ورتاسى نەگىزىنەن وزبەكستان, قىرعىزستان, تۇرىكمەنستان مەن يران ەلدەرى. ورمەكشىنىڭ ەكى ءتۇرىن عالىمدار بۇعان دەيىن كەزدەستىرمەگەن. سوندىقتان ولارعا Anagraphis karamola جانە Drassodes babenkoi دەگەن اتاۋ بەرىلدى. ەكى ءتۇرى دە جەردە تىرشىلىك ەتەتىن Gnaphosidae تۇقىمىنا جاتادى. ولار كوبىنە تۇندە بەلسەندى ارەكەت ەتەدى, ال كۇندىز جارىقتان تاسا جەردە, تاستاردىڭ تۇبىندە, وزگە جانۋارلاردىڭ ىنىندە, جارتاستاردىڭ اراسىندا جاتادى», دەلىنگەن زوولوگيا ينستيتۋتىنىڭ ماتەريالىندا.