ايىپسىز ايىپتى بولعاندار...

وسىدان ەكى جىل بۇرىن, ياعني 2013 جىلدىڭ قىركۇيەك ايىندا «ەگەمەن قازاقستاندا» «وبال» دەگەن ماقالامىز جاريالانعان بولاتىن. بۇل ماقالادا ەكى پوليتسيا قىزمەتكەرىنە جاسالعان قيانات تۋرالى ايتقان ەدىك. ارادا ەكى جىل وتكەندە سول وبلىستا (ماڭعىستاۋ), ءدال سول قالادا (جاڭاوزەن) ءدال سونداي وقيعا ورىن الدى. وزدەرىنىڭ مىندەتتەرىن ادال اتقارىپ, كەيبىر لاۋازىمدى شەنەۋنىكتەردىڭ قۇقىق بۇزۋشىلىقتارىنىڭ الدىن كەسەمىز دەپ ءجۇرىپ, ارانداپ قالعان جاس جىگىتتەردىڭ وزدەرىنىڭ باستارىنا كۇن تۋىپتى. زاڭدىلىقتى ساقتايمىز دەپ ءجۇرىپ, زاڭسىزدىقتىڭ قۇربانى بولعان بەس پوليتسيا قىزمەتكەرى – ب.بيسەكەش, ك.ايناحانوۆ, ە.نۇرقابىلوۆ, ا.تولەسباەۆ, ف.جارماعانبەتوۆ «ەگەمەنگە» ارىز جازىپتى. «2015 ج. اقپان ايىنىڭ 1-ىنەن 2-سىنە قاراعان ءتۇنى مەن, پوليتسيا سەرجانتى ب.بيسەكەش سەرىكتەسىم ك.الىباەۆپەن بىرگە قىزمەتتە بولىپ, مەم. № 445-اح-12 «كيا-سورەتا» ماركالى اۆتوكولىگىنىڭ جۇرگىزۋشىسى 1-ىقشام اۋداندا ورنالاسقان باع­دار­شامنىڭ قىزىل تۇسىنە ءوتىپ كەت­كەندىگىن بايقادىم. «توقتاڭىز» دەگەن ەسكەرتۋىمە اۆتوكولىك جۇرگى­زۋشىسى ءمان بەرگەن جوق, مەن دابىلدى قوسىپ, جول ەرەجەسىن بۇزعان جۇرگىزۋشىنىڭ ىزىنە ءتۇستىم. وعان قوسا, بىرنەشە رەت داۋىس زورايتقىش ارقىلى توقتاۋىن سۇرادىم, جۇرگىزۋشى وعان دا قۇلاق اسقان جوق. تەك 4-ىقشام اۋداندا جول ەرەجەسىن بۇزعان جۇرگىزۋشىنى جولدىڭ جيەگىنە قىستىق, سول كەزدە ول امالسىزدان توقتادى. سودان سوڭ اۆتوكولىكتەن ءوزىن جاڭاوزەن قالاسى پروكۋرورىنىڭ كو­مەكشىسىمىن دەپ تانىستىرعان جول ەرەجەسىن بۇزۋشى س.ەڭسەپ شى­عىپ, سوڭىنا تۇسكەنىمىزگە دورەكى تۇردە­ نارازىلىق تانىتىپ, مەنى بالاعات­تا­دى. پروكۋروردىڭ كومەكشىسى س.ەڭ­سەپپەن بولعان اڭگىمەنى ءبىز بەينە­كا­مەراعا جازىپ الدىق, بەينەجازبادان سوزبە-ءسوز: «كىم ستارشي... نەگە ادەيى قۋاسىڭدار... نەگە تانىمايسىڭ... كىمسىڭ مەنى توقتاتاتىن... داۆاي تاي... كىمسىڭ سەن...» (بەينەجازبا بار). پروكۋرور كومەكشىسى س.ەڭسەپ مەنىڭ ء«وزىڭىزدى سىپايى ۇستاڭىز, بالاعات­تا­ماڭىز, ويتكەنى, مەن قىز­مەتتە جۇرگەن بيلىك وكىلىمىن» دەگەن سوزىمە نازار اۋدار­عان جوق. سودان سوڭ پروكۋرور كومەكشىسى ەڭسەپ كولىگىنە وتىرىپ, كەتىپ قالدى. وسىلايشا مەن جاڭاوزەن قالاسى پروكۋراتۋراسىنىڭ قىزمەتكەرى بول­عان­دىق­تان, ءوز قىزمەت بابىن پايدالانىپ, قىىب ءاتب قىزمەتكەرى رەتىندە ماعان باعىنباي, مەنى بالاعاتتاپ, وقيعا ورنىنان ءوز بەتىنشە كەتىپ قالعان, جول ەرەجەسىن بۇزعان پروكۋرور كومەكشىسى س.ەڭسەپكە قا­تىستى قاجەتتى حاتتامانى تولتىرا المادىم. سول كۇنى 4 ساعات 30 مينۋتتا ءبىز, پو­لي­تسيا قىزمەتكەرلەرى ب.بيسە­كەش پەن ف.جارماعانبەتوۆ جاڭا­وزەن قالاسىنىڭ سىرتىندا, مۇناي كاسىپشىلىگى اۋماعىندا ورنالاسقان «پەرەكاچكا نەفتي» بەكەتىنە شا­قىر­تۋ بويىنشا شىقتىق. كەلگەن بويدا كۇزەتشىلەر ن.اسانوۆ پەن ە.كۇنەباەۆتان بىلگەنىمىز, كۇزەتىلەتىن مۇ­ناي وبەكتىسىنە مەم. №كز-182ۆيا-12 «حيۋن­داي سانتا فە» مار­كالى اۆتو­كولىگىمەن بەيتانىس ەر ادام كەلىپ, دورەكى تۇردە قاقپانى اشۋدى تالاپ ەتكەن. ولار اۆتوكولىك تىز­گى­نىن­دە ماس كۇيىندە تۇنگى اۋىسىمدا جۇمىس ىستەيتىن تانىس قىزىنا كەلگەن بايكۋلوۆ ولجاس بايمۇرات ۇلىنىڭ وتىرعانىن انىقتايدى. و.بايكۋلوۆ ماس كۇيىندە دورەكىلىك تانىتىپ, كۇزەتىلەتىن مۇناي اۋماعىنا كىرۋگە تال­پىنعاندىقتان, كۇزەتشىلەردىڭ ەسكەر­تۋىنە قۇلاق اسپاعاندىقتان, ولار پوليتسيا شاقىرۋعا ءماجبۇر بولعان. ءبىز ءوزىمىزدى تانىستىرىپ, بايكۋ­لوۆ­تىڭ قۇجاتتارىن تالاپ ەتتىك. سول ۋاقىتتا بايكۋلوۆ ساباسىنا ءتۇسىپ, ءوزىن جاقسى ۇستادى. جاڭاوزەن قالاسى پروكۋرورىنىڭ كومەكشىسى س.ەڭسەپ­پەن بىرگە سپيرتتىك ىشىمدىك ىشكەنىن مويىندادى, قۇربىسىنا كەلگەنىن, بىراق وعان كۇزەتشىلەر توسقاۋىل بولعانىن ايتتى. ول بۇرىنىراق كولىك جۇرگىزۋ كۋالىگىنەن ايىرىلعاندىعىن, ماس كۇيىندە اۆتوكولىك جۇرگىزگەنى جانە جاياۋ جۇرگىنشىنى قاعىپ كەتكەنى ءۇشىن ەكى رەت اكىمشىلىك جاۋاپكەرشىلىككە تارتىلعاندىعىن دا مويىندادى. سودان سوڭ ءبىز ناركولوگيالىق كۋا­لان­دىرۋ جۇرگىزۋ ءۇشىن و.بايكۋ­لوۆتى جاڭا­وزەن قالا­لىق ۋاقىتشا بەيىمدەۋ ورتا­لى­عىنا جەتكىزدىك, وندا باس دارىگەر م.تاۋەكەلوۆتىڭ ءوزى كەزەكشى ەكەن. بايكۋ­لوۆتى كورگەن بويدا باس دارىگەر تاۋەكەلوۆ جەتكىزىلگەن ازاماتتى تانيتىندىعىن, ول قالالىق پروكۋروردىڭ كومەكشىسى ەڭ­سەپ­تىڭ دوسى ەكەندىگىن ايتىپ, مەنەن ونى «بەيبىت» تۇردە جىبەرۋدى سۇراپ, وعان «ماس ەمەس» دەگەن قورىتىندى بەرە­تىنىن ايتتى. تاۋەكەلوۆتىڭ ءىس-ارەكەتى تۇسىنىك­سىز, بايكۋلوۆقا دەگەن كوز­قاراسى «جۇم­ساق» كورىندى, سىرتى­نان ونىڭ باي­كۋلوۆقا بۇل جاعدايدان تازا شىعۋعا كومەك­تەسكىسى كەلەتىنى بايقالىپ تۇردى, تاۋەكەلوۆ بايكۋلوۆپەن ۇزاق سويلەستى, ولاردىڭ اڭگىمەلەرى جەكە, قىزمەت بابىنان تىس بولدى. تاۋەكەلوۆتىڭ بايكۋلوۆقا كومەكتەسكىسى كەلەتىنى سونداي, ول مەنىڭ كۋالاندىرۋ بولمە­سىنەن شىعۋىمدى سۇ­رادى, بايكۋ­لوۆپەن جەكە قالىپ, 10 مينۋتتاي سويلەستى. سودان سوڭ تاۋە­كە­لوۆ ءوز ۇيالى تەلەفونىنان پرو­كۋ­روردىڭ كومەك­شىسى ەڭسەپكە قوڭى­راۋ شالىپ, باي­كۋلوۆقا دا تانىستارىنا قوڭىراۋ شالۋعا مۇمكىندىك بەردى. مەن, ياعني, ب.بيسەكەش بىردەن باس تارتىپ, ارىزداناتىنىمدى ايتتىم. سول كەزدە باس دارىگەر تاۋەكەلوۆ بايكۋلوۆتىڭ كۇيىن الكوتەستەردە تەكسەرىپ, قاجەتتى حاتتامانى تولتىرىپ, بايكۋلوۆتىڭ قانىندا ات-0,1-0,2 پايىز الكوگول بار ەكەندىگى, ول «جەڭىل دارەجەدە» ماس ەكەندىگى تۋرالى №223 قورىتىندى شىعارۋعا ءماجبۇر بولدى. باس دارىگەر تاۋەكەلوۆتىڭ باي­كۋ­لوۆتىڭ جەڭىل دارەجەدە ماس ەكەندىگىن راستايتىن №223 قورىتىندىنى ءوز قولىمەن تولتىرعاندىعىن قايتالاپ ايتامىن, بىراق بەلگىسىز سەبەپتەرمەن ونى بايكۋلوۆقا قول قويۋعا بەرمەي, بىرەۋدى كۇتىپ وتىردى. سوندا مەن تاۋەكەلوۆتىڭ كۋالاندىرۋ قورىتىندىسىن بۇرمالاعىسى كەلىپ تۇرعاندىعىن ءتۇسىنىپ, تەز ارادا ۇيالى تەلەفونىمنىڭ بەينە­جازباسىن قوسىپ, №223 قورى­تىندىنى جازىپ الدىم, ناتي­جەسىندە مەنىڭ قو­لىمدا باس دارىگەر تاۋەكەلوۆتىڭ زاڭعا قايشى ارەكەتىنىڭ بەينە جانە فوتو­ايعاعى بار (قورىتىندىنىڭ بەي­نە كوشىرمەسى بار). ءارى قاراي تاۋەكەلوۆ بايكۋ­لوۆ قورى­تىندىعا قول قويۋدان باس تارتىپ جا­تىر, سوعان سايكەس حاتتاما تولتىرۋ كەرەكتىگىن, وعان ەكى كۋاگەر قاجەت ەكەن­دىگىن مالىمدەدى. مەن كۋاگەرلەردى ىز­دەۋگە شىعىپ كەتكەنىمدى پايدالانىپ بايكۋلوۆ كوشەگە شىعىپ كەتىپ, جاسىرىنىپ قالۋعا تىرىس­تى. بىراق مەن ونى قۋىپ جەتىپ, قايتادان ۋبو-عا جەتكىزىپ, وعان سەرىكتەسىم جارماعانبەتوۆتى كۇزەتشى ەتىپ قالدىرىپ كەتتىم. مەن «پەرەكاچكا» وبەكتىسىنە بارىپ, كۇزەتشىلەر اسانوۆ پەن كۇنە­باەۆتى كۋاگەرلەر رەتىن­دە الىپ كەلدىم, سول كەزدە باس دارى­گەر تاۋەكەلوۆ ولارعا: «حات­تا­ماعا قول قويساڭدار, سەن­دەردى سوت­قا سۇيرەيدى, پوليتسيا­مەن بايلا­نىسقاندارىڭا وزدەرىڭ وكى­نىپ­ قالاسىڭدار» دەپ اشىق­تان-اشىق قىسىم كورسەتتى. تاۋەكە­لوۆتىڭ بۇل سوزدەرى كۇزەت­شى-كۋا­گەر­لەرگە اسەر ەتىپ, ولار بۇل ىسكە ارالاسۋدان باس تارتىپ, كەتىپ قالدى. ءبىراز ۋاقىتتان كەيىن ۋبو-عا مەم.№877-ۆەا «لادا-پريورا» ماركالى اۆتوكولىگىمەن بايكۋلوۆتىڭ تانىسى (تۇلعاسى انىقتالعان جوق) كەلدى. ول ءوزىن تەك بايكۋلوۆتىڭ قىز­مەتتەسىمىن دەپ تانىستىرىپ, ونى نە ءۇشىن ۇستاعانىمىزدى سۇرادى. ءبىز بولعان جايتتى تالقىلاپ جاتقا­نىمىزدا بايكۋلوۆ «لادا-پريورا» اۆتوكولىگىنىڭ تىزگىنىنە وتىرىپ, كەتىپ قالدى. ءبىز سول ارادا ونى قۋدىق. بايكۋلوۆ قاشىپ قۇتىلا المايتىنىن ءتۇسىنىپ, «مۇنايلى» ىقشام اۋدانىنىڭ 5-كوشەسىنىڭ اۋماعىندا ورنالاس­قان جەر ءۇيدىڭ اشىق اۋلاسىنا كىرۋگە ءماجبۇر بولدى. بايكۋلوۆ اۆتوكولىك سالونىن بەكىتىپ الىپ, ءوز تانىستارىنا قوڭى­راۋ شالا باستادى, ۇزدىكسىز كولىكتىڭ دابىلىن باستى, وعان سول ماڭداعى ءۇي يەلەرى ويانىپ كەتىپ, تاڭ اتپاستان ولاردىڭ مازاسىن الىپ جاتقانىمىزعا نارازىلىق ءبىلدىردى. مەن راتسيا ارقىلى بولعان جاع­دايدى قىىب جەدەل كەزەك­شىسىنە حابارلاپ, كومەك سۇرا­دىم. ماعان كومەككە پوليتسيا اعا سەرجانتى ك.ايناحانوۆ باستاعان «تۇلپار-27» ەكيپاجى كەلدى. ايناحانوۆ بايكۋلوۆتى بەيباستاقتىقتى دوعارىپ, دابىلدى باسپاۋعا كوندىرىپ كوردى, بىراق ول وعان قۇلاق اسپاي, دابىلدى باسا بەردى. سودان سوڭ اي­ناحانوۆ اۆتوكولىكتىڭ شەتكى تەرەزەسىن سىندىرىپ, ءبىز بايكۋلوۆتى سالوننان شىعارىپ, ونى قايتادان ۋبو-عا جەتكىزدىك. ءبىراز ۋاقىتتان كەيىن ۋبو-عا پروكۋروردىڭ كومەكشىسى س.ەڭسەپ كەلىپ (ونى تاۋەكەلوۆ پەن بايكۋلوۆ شاقىرعان), بىزگە, ياعني, پوليتسيا قىز­مەتكەرلەرىنە بايكۋلوۆتى زاڭ­سىز تۇردە ۇستادىڭدار, وعان دەنە جا­راقاتىن كەلتىردىڭدەر دەپ نارازىلىق تانىتتى. پوليتسيا قىزمەتكەرلەرى زاڭ شەڭبەرىندە ارەكەت ەتتى دەگەن جاۋابىمىزعا پروكۋرور كومەكشىسى ەڭسەپ پىسقىرعان دا جوق, بايكۋلوۆتى وزى­مەن بىرگە الىپ كەتەتىنىن مالىمدەدى. وعان مەن (ب. بيسەكەش) قارسى بولدىم, بايكۋلوۆ زاڭبۇزۋشىلىق جاسادى, ول ءۇشىن زاڭ بويىنشا جاۋاپ بەرۋى ءتيىس دەدىم. پروكۋرور كومەكشىسى ەڭسەپ جول ەرەجەسىن بۇزعانى ءۇشىن مەنىڭ تۇندە ونىڭ ىزىنە تۇسكەن العاشقى جاعدايدى ەسىمە سالىپ, مەنىڭ ۇستىمنەن قىلمىستىق ءىس قوزعايمىن دەپ اشىق تۇردە قوقان-لوقى كورسەتتى. مەن قايتادان زاڭ شەڭبەرىندە ارەكەت ەتىپ جاتقانىمدى ايتتىم. پروكۋرور كومەكشىسى ەڭسەپ باي­كۋ­لوۆتى الىپ كەتە المايتىنىن ءتۇسىنىپ, باستىعىمىز – قىىب ءازب باستىعى ن.كەلما­عانبەتوۆكە قوڭىراۋ شالىپ, ونى ۋبو-عا شاقىردى. كەلما­عانبەتوۆ كەلگەن كەزدە ەڭسەپ ونىمەن جەكە سويلەستى, سودان سوڭ مەنى شاقىردى. ەڭسەپ «ۆولف كار» ماركالى قىزمەتتىك كىشكەنتاي بەينەتىر­كەۋىشىمدى ءوشىرىپ تاستاۋىمدى تالاپ ەتتى, مەن باس تارتتىم. سول كەزدە مەنىڭ تىكەلەي باستىعىم كەلماعانبەتوۆ بەينەتىركەۋىشتى بەرۋىمدى تالاپ ەتتى, اۋىسىم كەزىندە بۇل بەينەتىركەۋىش مەنىڭ اتىمدا ەكەنىن, اۋىسىمىم ءالى اياقتالماعاندىقتان, بۇل تالاپتىڭ زاڭسىز ەكەنىن بىلسەم دە, ونىڭ بۇيرىعىن ورىنداپ, بەينەتىركەۋىشتى بەرۋگە ءماجبۇر بولدىم. ءارى قاراي ەڭسەپ پەن كەلما­عان­بەتوۆ مەنى بايكۋلوۆتى بەيبىت تۇردە جىبەرۋگە كوندىرە باستادى. ەڭسەپ ناركولوگ تاۋەكەلوۆپەن ءوزى سويلەسەتىنىن, تەك مەن كەلىسىم بەرسەم بولاتىنىن ايتتى, مەن ءۇزىلدى-كەسىلدى باس تارتتىم. كوشەگە شىققاننان سوڭ مەن ەكى ەكيپاجدىڭ باسقا مۇشەلەرىنە پروكۋرور كومەكشىسى س.ەڭسەپ پەن تىكەلەي باستىعىمىز كەلماعان­بەتوۆپەن بولعان اڭگىمەنى بايان­داپ بەردىم, ءبىز­دى اقىماق قى­لىپ, تاعى دا «لاق­تى­رىپ» كەت­كەن­دەرىن, بارلىق قۇ­جات­تار مەن اۆتوكولىكتىڭ كىلتىن بە­رۋ­­گە ءماجبۇر بولعانىمدى ايت­­تىم. ەكيپاجدىڭ بارلىق مۇشەلەرى بۇل ادىلەتسىزدىككە نارازى­لىق­تارىن ءبىل­دىر­دى, ناتيجە­سىندە ءبىز, پوليتسيا­نىڭ 7 قىزمەتكەرى ىشكى ىستەر ورگاندارى­نان كەتۋ تۋرا­لى بايانات جازىپ, ونى­ قىىب كادرلار جونىندەگى باس­تى­­عى ورىنباسارىنىڭ ءوز قولىنا تاپ­سىر­­دىق. باياناتتا كەتۋ سەبەبى­مىزدى جازدىق. قازىرگى كەزدە بىلەتىنىمىز, پروكۋ­رور كومەكشىسى س.ەڭسەپ ءوز دەگەنىنە جەتىپ, زاڭسىز جولمەن و.بايكۋلوۆتىڭ «ماس ەمەس­تىگى» تۋرالى №223 زاڭسىز قورى­تىندىنى الىپ, ءبىزدى, پوليتسيا قىزمەتكەرلەرىن كىنالى ەتىپ, قىل­مىستىق ءىس قوزعايىن دەپ جاتىر. وسى ماقساتتا بايكۋلوۆ سول كۇنى كەشكە ءتىس دارىگەرىنە بارىپ, جاعى سىنعانى, بىرنەشە ءتىسى ءتۇسىپ قالعاندىعى تۋرالى انىقتاما جانە جاڭاوزەن قالا­لىق ءماسليحاتىنىڭ دەپۋتا­تى ەكەندىگى تۋرالى قاعاز الىپ العان. ءتىس دارىگەرىنىڭ تاراپىنان قىىب-عا بايكۋلوۆتىڭ جاراقاتى كريمي­نالدى سيپاتتا ەكەندىگى تۋرالى اقپارات كەلىپ تۇسكەن, ونىڭ ناتيجەسىندە قىلمىستىق ءىس قوزعال­عان, بىراق ونىڭ قاي باعىت­تا زەرتتەلەتىنى بىزگە بەلگىسىز. سونىمەن قاتار, پروكۋ­رور كو­مەكشىسى ەڭسەپتىڭ جاڭا­­وزەن قالالىق ۋبو كۋالان­دىرۋ ەسەپ جۋرنالىن الىپ كەت­كە­نىن بىلدىك. جاڭاوزەن قالا­لىق پروكۋراتۋراسى ءبىزدى كىنا­لى ەتەدى دەپ كۇدىكتەنەمىز, ولار­­دىڭ بۇل تۇرعىدا مول تاجىري­بەسى بار, ءبىزدىڭ الدىمىز­دا وسىنداي جاعدايدا ءبىزدىڭ قىزمەتتەس­تەرىمىز, قىىب قىزمەتكەرلەرى گ.سابەكوۆ, ب.تۇرعىنباەۆ جانە ك.تەلقوزيەۆ زاڭسىز سوتتالعان بولاتىن. وسىلايشا, پروكۋرور كومەك­شىسى س.ەڭسەپ پەن ۋبو باس دارىگەرى م.تاۋەكەلوۆتىڭ ءىس-ارەكە­تىندە زاڭ­مەن قۋدالاناتىن قىلمىس­تىق ءىس-ارەكەتتەر انىق كورىنىس تاپقان, ويت­كەنى, و.بايكۋ­­لوۆقا قاتىستى №223 قورى­تىن­دىنىڭ ءبىر-بىرىنە قاراما-قايشى ەكى نۇسقاسى بار, سونداي-اق, جوعا­رىدا اتى اتالعان ۇشتىك جيناعان باسقا دا قۇجاتتاردىڭ بارلىعى بۇرمالانعان دەپ كۇدىكتەنەمىز». شارافاددين ءامىروۆ, «ەگەمەن قازاقستان». الماتى – اقتاۋ – جاڭاوزەن – الماتى. ...ءدال وسىنداي وقيعا وسىدان ەكى جىل بۇرىن دا بولعان. سول كەزدە ادىلەتسىزدىكتىڭ قۇربانى بولعان پوليتسيا قىزمەتكەرلەرى گ.سابەكوۆ, ب.تۇر­عىنباەۆ, ك.تەل­قو­زي­ەۆ وزدەرىنىڭ ار-نامى­سىن قورعاۋ ءۇشىن ءالى كۇنگە دەيىن سوت­تاسىپ ءجۇر. ولاردىڭ نەگىز­گى ءۇمىتى, وزدەرىنە قاتىستى قوزعال­عان ىستەگى بارلىق ايىپتاۋلار­دان باس پرو­كۋرا­تۋرا­نىڭ باس تار­تىپ وتىرعانىندا ەكەن. ال بەس پوليتسيا قىزمەت­كە­رىنە قاتىستى ىستە دە وڭ وزگە­­رى­س- ­­­­تەر كورى­نەدى. ماسەلەن, وسى وقيعانىڭ نەگىزگى كەيىپكەرى پروكۋرور كومەكشىسى س.ەڭ­سەپتىڭ قىز­مەتىنەن كەتۋى, و.باي­كۋ­لوۆ­قا قاتىستى اكىمشىلىك ءىس قوزعالىپ, ونىڭ 20 كۇنگە سوتتالۋى پوليتسيا قىزمەتكەرلەرىنىڭ ءۇمىتىن وياتقانداي بولدى. سەبەبى, ولار وسى ەكى ازاماتپەن ء(رولدى ماس كۇيىندە باسقارعان) ايقاسىپ ءجۇرىپ, وزدەرى ايىپتى بولىپ قالعان ەدى. بەس جىگىتتىڭ ەندىگى ءۇمىتى ىشكى ىستەر مينيسترىندە. ايىپسىز ايىپتى بولعان جىگىت­تەر ءوز جۇمىستارىنا قايتا ورال­عى­لارى كەلەدى.