پرەزيدەنت جارلىعىمەن بەكىتىلگەن وبلىستىڭ, رەسپۋبليكالىق ماڭىزى بار قالالاردىڭ, استانانىڭ وڭىرلىك كادر رەزەرۆىن قالىپتاستىرۋ جانە ودان تاعايىنداۋ قاعيدالارىنا سايكەس 2024 جىلعى 1 ناۋرىزدان باستاپ ەلىمىزدىڭ بارلىق ايماعىندا وڭىرلىك كادرلىق رەزەرۆكە ىرىكتەۋ جۇرگىزىلدى.
وڭىردەگى كادرلىق قاجەتتىلىككە سايكەس, شىعىس قازاقستاندا ىرىكتەۋ 5 سالالىق باعىت بويىنشا جۇرگىزىلدى. اتاپ ايتساق, يندۋستريا جانە ونەركاسىپ, ەكونوميكا جانە قارجى, الەۋمەتتىك سالا, تۇرعىن ءۇي-كوممۋنالدىق شارۋاشىلىق جانە ينفراقۇرىلىم, اگروونەركاسىپتىك كەشەن جانە جەر قاتىناستارى.1 ناۋرىزدان باستاپ اي كولەمىندە ارنايى جاساقتالعان پلاتفورما ارقىلى ىرىكتەۋگە قاتىسۋعا قۇجاتتار قابىلداندى. ىرىكتەۋگە ەلىمىزدىڭ جاسى 35-تەن اسپاعان, جوعارى ءبىلىمى جانە 3 جىلدان كەم ەمەس ەڭبەك ءوتىلى بار ازاماتتارى قاتىستى. كادرلىق رەزەرۆكە ىرىكتەۋگە ءبىزدىڭ وبلىسىمىزدان 386 ۇمىتكەر قاتىسۋعا نيەت ءبىلدىرىپ, قۇجاتتارى تالاپتارعا سايكەس كەلەتىن 295 ازامات ىرىكتەۋ كەزەڭدەرىنە جىبەرىلدى.
ءسويتىپ, كادر كوميسسياسىنىڭ شەشىمىمەن شىعىس قازاقستان وبىسىنىڭ وڭىرلىك كادر رەزەرۆىنە 20 ۇمىتكەر ىرىكتەلىپ الىندى. سونىمەن قوسا, قاعيدا تالاپتارى بويىنشا پرەزيدەنتتىك جاستار كادر رەزەرۆىنىڭ سوڭعى كەزەڭىنە دەيىن جەتىپ, بىراق پجكر تىركەلمەگەن ازاماتتارعا ءوز وتىنىشتەرى نەگىزىندە وڭىرلىك رەزەرۆكە ىرىكتەۋسىز تىركەلۋ قۇقىعى بەرىلگەن. وسى نورماعا سايكەس,ءبىزدىڭ وڭىرلىك كادر رەزەرۆىنە قوسىمشا تاعى 1 ۇمىتكەر تىركەلدى. «رەزەرۆتە تۇرۋ مەرزىمى - 2 جىل. وسى ۋاقىت ارالىعىندا رەزەرۆشىلەرگە جەرگىلىكتى اتقارۋشى ورگاندارداعى ءار ءتۇرلى دەڭگەيدەگى باسشىلىق لاۋازىمدارعا (سايلانبالى لاۋازىمداردان باسقا) ۋاكىلەتتى ورگاننىڭ اۋماقتىق بولىمشەلەرىنىڭ كەلىسىمى بويىنشا كونكۋرستان تىس تاعايىندالا الادى», دەيدى قر مەملەكەتتىك قىزمەت ىستەرى اگەنتتىگىنىڭ شىعىس قازاقستان وبلىسى بويىنشا دەپارتامەنتىنىڭ باسشىسى ەرجان ايقىمبەكوۆ.
قازاقستان رەسپۋبليكاسىنىڭ مەملەكەتتىك قىزمەتىن دامىتۋدىڭ 2024-2029 جىلدارعا ارنالعان تۇجىرىمداماسىندا اتالعان رەزەرۆ وڭىرلىك بۋىننىڭ توپ-مەنەدجەرلەرىنە باسەكەلەستىك ورناتاتىن بولادى دەپ كورسەتىلگەن.
ودان بولەك, مەملەكەتتىك قىزمەت ىستەرى اگەنتتىگىمەن ازاماتتار مەن مەملەكەتتىك ورگاندار اراسىنداعى ءوزارا ارەكەتتەسۋدى جەڭىلدەتۋگە باعىتتالعان «EgovKzBot2.0» پلاتفورماسىندا «ۋاكىلەتتى ورگانعا ءوتىنىش» فۋنكتسياسى ىسكە قوسىلدى.
اتالعان فۋنكتسيا ارقىلى ازاماتتار وزدەرىن قىزىقتىراتىن سۇراقتاردى تىكەلەي Telegram ارقىلى قويۋ مۇمكىندىگىنە يە بولدى, مەملەكەتتىك قىزمەتتەردىڭ ساپاسىنا قاتىستى شاعىمدار مەن ۇسىنىستاردى جولداي الادى, جانە مەملەكەتتىك اپپاراتتى بيۋروكراتيادان ارىلتۋ بويىنشا ۇسىنىستارىن جولداي الادى. بۇل قادام مەملەكەتتىك قىزمەت كورسەتۋ ساپاسىن ارتتىرۋعا جانە ازاماتتاردىڭ وتىنىشتەرىنە جەدەل دەن قويۋعا باعىتتالعان.
شىعىس قازاقستان وبلىسى بويىنشا مەملەكەتتىك قىزمەت ىستەرى دەپارتامەنتىندە Telegram بوت ارقىلى 25-تەن استام ءوتىنىش قارالدى. وتىنىشتەر الەۋمەتتىك جاردەماقىلار, مۇگەدەكتىك, پاسپورت الۋ, ەڭبەك قابىلەتتىلىگىن جوعالتۋ, سوتتىلىق تۋرالى انىقتامالارعا قاتىستى بولدى.
مىسالى, 2024 جىلدىڭ 23 مامىرىندا ريددەر قالاسىنىڭ تۇرعىنى بالا جاسىنان مۇگەدەك بالانىڭ اناسى رەتىندە تەگىن پاسپورت الۋ ماسەلەسىمەن جۇگىندى. سالىق كودەكسىنىڭ 622-بابىنا سايكەس, بالا جاسىنان مۇگەدەكتىگى بار ادامنىڭ اتا-اناسىنىڭ ءبىرى مەملەكەتتىك باج تولەۋدەن بوساتىلادى. بۇل ءوتىنىش بارىسىندا اقپاراتتىق جۇيەدە مۇگەدەك بالانىڭ قامقورشىسى رەتىندەگى ستاتۋسى كورىنبەگەندىگى انىقتالدى. وسىعان بايلانىستى, ءوتىنىش قابىلدانباعان.
الايدا, اقپاراتتىق جۇيەدەگى كەمشىلىكتەر مەملەكەتتىك كورسەتىلەتىن قىزمەتتى الۋعا كەدەرگى بولماۋى ءتيىس. سول سەبەپتى, ۋاكىلەتتى ورگانعا قۇجاتتاردى قاعاز تۇرىندە قابىلداۋ ۇسىنىلىپ, پاسپورتتى راسىمدەۋ ماسەلەسى شەشىلدى.
شىعىس قازاقستان وبلىسى بويىنشا مەملەكەتتىك قىزمەت ىستەرى دەپارتامەنتى «EgovKzBot2.0» پلاتفورماسىنداعى وتىنىشتەردىڭ قارالۋىن تۇراقتى باقىلاۋدا ۇستاپ, كەرى بايلانىستى قامتاماسىز ەتۋدى ءارى ماسەلەلەردى جەدەل شەشۋدى ماقسات ەتەدى.
Telegram-داعى جاڭا فۋنكتسيانىڭ ەنگىزىلۋى مەملەكەتتىك قىزمەتتەردى مودەرنيزاتسيالاۋعا جانە ازاماتتار ءۇشىن ولاردىڭ قولجەتىمدىلىگىن ارتتىرۋعا باعىتتالعان ماڭىزدى قادام بولىپ تابىلادى. مەملەكەتتىك ورگاندار مەن حالىق اراسىنداعى ءوزارا ارەكەتتەسۋدى جەڭىلدەتۋ ءۇشىن زاماناۋي تەحنولوگيالاردى قولدانۋ اشىق ءارى ءتيىمدى قىزمەت كورسەتۋ جۇيەسىن قۇرۋعا سەپتىگىن تيگىزەدى.
سونىمەن قاتار دەپارتامەنتتىڭ مەملەكەتتىك قىزمەت سالاسىنداعى باقىلاۋ باعىتى بويىنشا جەكە جانە زاڭدى تۇلعالاردىڭ وتىنىشتەرىن قاراۋ, مەملەكەتتىك قىزمەت سالاسىنداعى زاڭناما تالاپتارىن ساقتاۋ بويىنشا تالداۋ, مەملەكەتتىك ورگانداردىڭ جۇمىس ۋاقىتى رەجيمىن ساقتاۋىنا مونيتورينگ جانە جوسپاردان تىس, جوسپارلى تەكسەرۋلەر جۇرگىزۋ بارىسىندا وسى جىلى 250-گە تارتا ازاماتتىڭ قۇقىعى قالپىنا كەلتىرىلگەن.
مەملەكەتتىك ورگانعا بارۋ ارقىلى جۇمىس ۋاقىتى رەجيمىنىڭ ساقتالۋىنا مونيتورينگ مەملەكەتتىك ورگاندارعا بارۋ جوسپارىنا سايكەس وبلىستىڭ باسقارماسىندا 15 مەملەكەتتىك قىزمەتشىلەردىڭ زاڭسىز ءتيىستى قۇقىقتىق اكتىلەردىڭ شىعۋىنسىز جۇمىستان تىس ۋاقىتتا قالىپ جۇمىس ىستەۋ فاكتىلەرى انىقتالعان. دەپارتامەنت حاتى نەگىزىندە اتالعان مەملەكەتتىك قىزمەتشىلەرگە ءتيىستى قۇقىقتىق اكتى شىعارۋمەن, دەمالىس كۇندەرى (ساعاتتارى) بەرىلە وتىرىپ قۇقىقتارى قالپىنا كەلتىرىلدى.
سونىمەن قاتار مەملەكەتتىك ورگاندارىنىڭ تارتىپتىك تاجىريبەسىنە تالداۋ ناتيجەسىندە مەملەكەتتىك قىزمەتشىنىڭ زاڭسىز تارتىپتىك جاۋاپكەرشىلىككە تارتۋ فاكتىسى انىقتالىپ, تارتىپتىك جاۋاپكەرشىلىككە تارتۋ تۋرالى قۇقىقتىق اكتىنىڭ كۇشى جويىلۋمەن مەملەكەتتىك قىزمەتشىنىڭ قۇقىقتارى قالپىنا كەلتىرىلگەن.مەملەكەتتىك قىزمەتشىلەردىڭ قۇقىقتارىن تەكسەرۋسىز تالداۋ جانە مونيتورينگ ارقىلى سەرۆيستى جانە كليەنتكە باعدارلانعان مەملەكەتتىك اپپاراتتىڭ ءبىر كورىنىسى دەپ بىلەمىز.