جاڭاشىل جاستار جەتىستىككە جەتەدى

اتىراۋ وبلىسىنىڭ اكىمى سەرىك شاپكەنوۆتىڭ پىكىرىنشە, مۇنداي فورۋمدى جىل سايىن وتكىزۋ قاجەت. ويتكەنى بۇل جاڭاشىل جاستاردىڭ جەتىستىككە جەتۋىنە ىقپال ەتەدى. ەكى كۇندىك فورۋمدا جاساندى ينتەللەكت, ماركەتينگ, مۋزىكا جانە كينەماتوگرافيا, تەاتر, حورەوگرافيا باعىتىنداعى جاڭالىقتار مەن تۇيتكىلدەر تالقىعا ءتۇستى. دەمەك, بۇل – جاستارعا ءوزارا پىكىر الماساتىن, تاجىريبە بولىسەتىن الاڭ.

ماسەلەن, بىلتىرعى فورۋمعا «مۋزى­كا» باعىتى بويىنشا قاتىسقان­دار­دىڭ قاتارىندا اتىراۋلىق «KEZEN» توبى بار. بۇل توپ استانادا وتكەن «YouFest» فەستي­ۆالىنە شاقىرىلىپ, العاش رەت ەسترادا جۇلدىز­دارىمەن بىر­گە ونەر كورسەتتى. ال ح.دوس­مۇحامەدوۆ اتىن­داعى اتىراۋ ۋنيۆەر­سيتەتىنىڭ ستۋ­دەنتى ورىنباسار ناري­مان «كينەما­توگرافيا» باعىتىندا تاجى­­ريبە جيناعان. ول وتاندىق فيلمدەرگە قوز­­ع­الىپ تۇراتىن افيشا ۇسىنعان ەدى. ونىڭ­ بۇل جوباسى ەلىمىزدىڭ ءار وڭىرىندە كورسەتىلدى.

«قازىر الەمدە كۇن سايىن دەرلىك وزگەرىس بولىپ جاتىر. زاماناۋي ماسەلە­لەر دە تۋىندايدى. وسىنداي ساتتە جىگەرلى ءارى شىعارماشىل جاستاردىڭ ورنى دا, ءۇنى دە ەرەكشە ماڭىزعا يە بولادى. جاس بۋىننىڭ وي-پىكىرى مەن ۇسىنىستارى ءبىزدىڭ ءوڭىردىڭ عانا ەمەس, ەلىمىزدىڭ دامۋىنا جاڭا سەر­پىن بەرەدى. سول سەبەپتەن وسى فورۋم ­اياسىندا الماسقان تاجىريبەلەر مەن يدەيا­لار جارقىن جوبالارعا جول اشادى دەپ ۇمىتتەنەمىن. بىرلەسكەن جۇمىستاردىڭ ناتيجەسىندە, قوعامنىڭ دەموكراتيالىق ۇردىسپەن دامۋىنا, ەكونوميكا مەن رۋحانياتتىڭ العا باسۋىنا باستايتىن ماڭىزدى جوبالار ىسكە اسىرىلاتىنىنا سەنەمىن», دەدى س.شاپكەنوۆ.

مادەنيەت جانە اقپارات مينيسترلىگى جاستار جانە وتباسى ىستەرى كوميتەتىنىڭ توراعاسى قايرات قامباروۆتىڭ پىكىرىنە سۇيەنسەك, وڭىرلەردە كادر تاپشىلىعى بار. سول سەبەپتەن جاستار ەڭبەك جولىن وڭىردە باستاعانى ءجون.

«بۇل جاستارعا جەرگىلىكتى تۇرعىن­داردىڭ تىنىس-تىرشىلىگىمەن, تۇيتكىلدى ماسەلەلەردى شەشۋ جولىمەن جەتە تانىسۋى ءۇشىن قاجەت. وڭىردەگى تۇرعىنداردىڭ تۇرمىسىن كورىپ, تاجىريبە جيناقتاي الادى. سوندىقتان جاستاردىڭ نازارىن وسى ماسەلەگە اۋدارعىم كەلەدى. ەلىمىز­دەگى وزەكتى ماسەلەنىڭ ءبىرى – جاس­تاردى جۇمىسپەن قامتۋ. ولاردى جۇمىس­قا ورنا­­لاستىرۋعا بايلانىستى بىرنەشە باع­دار­­لاما ىسكە اسىرىلىپ جاتىر», دەدى ­ق.قام­باروۆ.

فورۋمنىڭ العاشقى كۇنىندە دامير تولەنوۆ «ماركەتينگ» باعىتىندا ءدارىس وتكىزدى. وتاندىق كاسىپكەر تسيفرلىق ماركەتولوگ رەتىندە تانىمال. ول بەس ايدا «TikTok»-تا 160 مىڭ, Instagram-دا 90 مىڭ ءىزباسار جيناپ, ەلىمىزدەگى ەڭ قىمبات پروديۋسەرلىك كومپانيانىڭ نەگىزىن قالاعان. سونداي-اق وتكەن جىلى 150 مىڭنان اسا جازىلۋشى جيناپ, 300 ملن تەڭگە تابىس تاۋىپتى. ال شاكىرتتەرىنىڭ جەكە برەندينگ ارقىلى تاپقان تابىسى 900 ملن تەڭگەدەن اسقان. ونىڭ جۇمىسى مەن تالىمگەرلىگى كوپ جاستىڭ تابىسقا جەتۋىنە, قارجىلىق ساۋاتىن جەتىلدىرۋىنە جول اشقان.

ول ماركەتينگ باعىتىنداعى شەبەرلىك ساعاتىنىڭ العاشقى كۇنى چەللەندج جاريالادى. ءسويتىپ, قاتىسۋشىلار اراسىنان شىققان ەرىكتىگە ساباق سوڭىنا دەيىن 150 مىڭ تەڭگە اقشا تابۋدى ۇسىندى. ونىڭ ءدارىسىن تىڭداعانداردىڭ ءبىرى سۇلۋبيكە كاريموۆا تالىمگەرلىككە بەت بۇرعان. جەكە كاسىبى دە بار.

«سۇلۋبيكە كاريموۆا مەنىڭ كەڭەس­تەرىمدى پايدالانىپ, بەرىلگەن تاپسىرما بويىنشا ارەكەت ەتتى. جەكە كۋرسىن ساتۋ ار­قىلى 1 ملن 75 مىڭ تەڭگە كولەمىندە تا­بىس­قا كەنەلدى. دەمەك مەنىڭ ءدارىسىمنىڭ جاس­تارعا پايداسى ءتيىپ تۇر», دەيدى د.تو­لە­نوۆ.

ال نۇرسۇلتان قالدىباي اقتوبە قا­لا­سىندا تۇرادى. فورۋمعا قاتىسۋعا ارنايى كەلىپتى. ول دا ماركەتينگتىڭ قىر-سىرىنا قانىعىپ, تاجىريبەسىن جەتىلدىرۋ ماقساتىندا چەللەندجگە قاتىستى. ءوزىنىڭ اۆتورلىق ساعاتىن ساتىپ, 185 مىڭ تەڭگە تابىس تاپتى.

اتىراۋ وبلىسى