«ۇركەر» ۇلتتىق سىيلىعىنىڭ جەڭىمپازدارى بەلگىلى بولدى

«ۇركەر» ۇلتتىق سىيلىعى 12 نوميناتسيا بويىنشا تابىستالدى.

ۇيىمداستىرۋشىلار باق وكىلدەرىنەن 400 ءوتىنىم تۇسكەنىن حابارلادى. 

ايتا كەتەيىك, باق وكىلدەرىنىڭ جۇمىستارىن بەدەلدى جۋرناليستەر, سالانىڭ ەڭبەك سىڭىرگەن قايراتكەرلەرى مەن حالىقارالىق مەديا-ساراپشىلاردان قۇرالعان تاۋەلسىز قازىلار القاسى باعالادى. 

كونكۋرس قورىتىندىسى بويىنشا ءار نوميناتسيانىڭ جەڭىمپازىنا ەستەلىك مۇسىنشە مەن 1 000 000 تەڭگە كولەمىندە اقشالاي سىيلىق تابىستالدى. 

ودان بولەك قر مادەنيەت جانە اقپارات ءمينيسترى ايدا بالاەۆا «ۆرەميا» گازەتى ۇجىمىنا ارنايى سىيلىق تابىستادى. 

سونداي-اق بالالار جازۋشىسى بەردىبەك سوقپاقباەۆتىڭ 100 جىلدىق مەرەيتويىنا وراي «زاڭ» گازەتىنە دە ماراپات بۇيىردى. 

«ۇركەر» سىيلىعىنىڭ جەڭىمپازدارى: 

1. جىلدىڭ ۇزدىك سۇحباتى – نۇرلان ورازعاليەۆ (Inbusiness.kz); 2. جىلدىڭ ۇزدىك رەپورتاجى – يۋليا ابراموۆا (Nur.kz); 3. الەۋمەتتىك تاقىرىپتاعى ۇزدىك ماتەريال – كسەنيا ەۆدوكيمەنكو (Time.kz); 4. جىلدىڭ ۇزدىك جۋرناليستىك زەرتتەۋى – نۇرلات بايكەنجە («استانا اقشامى» گازەتى); 5. جىلدىڭ ۇزدىك اناليتيكالىق ماتەريالى – تيمۋر نيتاليەۆ (Ulysmedia.kz); 6. راديوستانتسياداعى ۇزدىك جوبا – قىمبات دوسجان (قازاق راديوسى); 7. جىلدىڭ ۇزدىك فوتوسۋرەتى – سالي سابيروۆ (Olympic.kz); 8. جىلدىڭ ۇزدىك جاڭالىقتار پورتالى – Abai.kz; 9. ۇزدىك وڭىرلىك باق – «ناش كوستاناي» گازەتى; 10. حالىقارالىق باق-تا قازاقستان تۋرالى جاريالانعان ۇزدىك ماتەريال (باسپا, راديو, ينتەرنەت-جۋرناليستيكا سالاسىندا) – تورعىن اشەنوۆا («ومبى قازاقتارى» گازەتى); 11. ۇزدىك پودكاست – NeQuryltay; 12. ۇزدىك YouTube كانالى – Sayahat Time (balbal.kz).