قاراعاندى وبلىسىنىڭ پروكۋراتۋراسى حابارلاعانداي, تەمىرتاۋ قالاسىنىڭ ەكى تۇرعىنى بىرنەشە جىلدان بەرى اليمەنت تولەۋدەن جالتارىپ, جالپى قارىزدارى 5,2 ميلليون تەڭگەنى قۇراعان, دەپ حابارلايدى Egemen.kz.
قالا پروكۋراتۋراسى قىلمىستىق كودەكستىڭ 139-بابى (بالاعا اليمەنت تولەۋ جونىندەگى مىندەتتەردى ورىنداماۋ) بويىنشا سوتقا دەيىنگى تەرگەپ-تەكسەرۋگە باستاماشىلىق جاساعان.
ءىس ماتەريالدارى سوتقا جىبەرىلگەن. سوت ەكى بورىشكەرگە دە پروباتسيالىق باقىلاۋ ورناتا وتىرىپ, ءبىر جىل مەرزىمگە باس بوستاندىعىن شەكتەۋ جازاسىن تاعايىندادى.
ايتا كەتەيىك, 2023 جىلدان بەرى تەمىرتاۋ قالاسىندا اليمەنت تولەمەگەن 43 ازامات اكىمشىلىك كودەكستىڭ 669-بابى بويىنشا اكىمشىلىك جاۋاپكەرشىلىككە تارتىلعان.