تاۋارلى نەسيەگە – ءتورت ت ۇلىك

پرەمەر-ءمينيستردىڭ كەڭەس­شىسى ەرالى توعجانوۆتىڭ ايتۋىنشا, تاۋارلى نەسيەنىڭ ماقساتى – اۋىل تۇرعىندارىنىڭ ءال-اۋقاتىن كوتەرۋ. جاڭا جوبا كرەديتتىك جاعدايى قيىن جانە كەپىل­گە قوياتىن مۇلكى جوق ادام­دارعا ارنالعان.

«باستامانى قولداعان فەرمەرلەر تۇرمىسى تومەن وتباسى­لار­عا 8 880 مال تاراتتى. جوباعا سايكەس, 5 جىلعا نەسيەگە 10 سيىر بەرىلەدى. ونى قايتارۋ شارتى نەگىزىندە ءبىرىنشى جىلى – دەمالىس. نەسيەگە مال العان ادام ەكىنشى جىلى 4, ءۇشىنشى جىلى تاعى 4 سيىردى قايتارۋعا ءتيىس. ءبىزدىڭ ەسەبىمىزشە, ءتورتىنشى جىلى مال سانى تولىمەن 16-عا جەتۋى كەرەك. ال 7 جىلدا ءمۇيىزدى ءىرى قارانى 24-كە دەيىن كوبەيتۋگە بولادى», دەيدى ە.توعجانوۆ.

جىلىوي اۋدانىنداعى «دوس­تان اتا» شارۋا قوجالى­عىنىڭ جەتەكشىسى سەيىتجان بالجىگىتوۆ اتالعان باعدار­لا­ما­مەن تاۋارلى نەسيە بەرۋگە دا­يىن وتىر.

«اۋىل تۇرعىندارىن كاسىپ­كەرلىككە ىنتالاندىرۋ ماق­سا­تىن­دا قولعا الىنعان تا­ۋار­لى نەسيە باعدارلاماسىن قول­دايمىن. ءوزىم جەتەكشىلىك ەتەتىن شارۋا قوجالىعىنان 300 قوي, 100 جىلقى, 50 سيىر, 30 تۇيەنى نەسيەگە بەرە الامىن. وسى ارقىلى تاۋار الۋشىنىڭ دا, ءبىزدىڭ دە ءتورت ت ۇلىگىمىز كوبەيەدى», دەدى س.بالجىگىتوۆ.

قىزىلقوعا اۋدانىنداعى «قۇرمان» شارۋا قوجالىعىنىڭ جەتەكشىسى قۇرمان جاڭاباەۆ 100 قوي, 50 جىلقى مەن 30 سيىردى نەسيەگە بەرۋگە نيەتتى. جىلىوي اۋدانىندا تىركەلگەن «اششىساي» شارۋا قوجالىعىنىڭ جەتەكشىسى باقتىعالي جيەنقۇلوۆ 300 قوي-ەشكى مەن 30 جىلقىنى نەسيەگە بەرگىسى كەلەدى.

اقتوبە وبلىسىندا تۇراتىن كاسىپكەر كامشات تولەۋوۆانىڭ ايتۋىنا قاراعاندا, كورشى ءوڭىر فەرمەرلەرى اتالعان باع­دارلامامەن جۇمىس ىستەۋدى ەرتە باستاعان ەكەن. ول بۇل باع­دار­لامانىڭ تيىمدىلىگىنە توقتا­لىپ, تاجىريبيەسىمەن ءبولىستى.

ء«بىز نەسيەگە مال بەرۋدى ەرتە باستادىق. اقتوبە وبلىسىنداعى ءىرى شارۋاشىلىعى بار كووپەراتيۆتەر ءتورت ت ۇلىكتى جۇمىسسىزدار مەن اتاۋلى الەۋمەتتىك كومەك الۋشىلارعا بەرىپ كەلەدى. ءوزىم تاۋارلى نەسيەگە 4 مىڭ قوي مەن 120 سيىر بەردىم. قازىر نەسيەگە بەرىلگەن مالدىڭ 40 پايىزىن قايتاردىم», دەيدى ك.تولەۋوۆا.

اتىراۋ وبلىستىق اۋىل شارۋا­شىلىعى جانە جەر قاتىناستارى باسقارماسىنىڭ باسشىسى امانگەلدى سالامات­تىڭ مالىمەتىنە سۇيەنسەك, بىلتىر «اۋىل اماناتى» باع­دار­لاماسىنا قاتىسۋشى­لار­دىڭ 192 جوباسىنا قارجى بەرىلگەن. قۇرمانعازى اۋدانىندا – 36, يندەردە – 35, ماحامبەت اۋدانىندا 30 جوباعا قارجىلاي قولداۋ كورسەتىلگەن.

«بىلتىر «اۋىل اماناتى» باع­دارلاماسى اياسىندا اۋىل­دارداعى قوسالقى شارۋا­شىلىقتى دامىتۋعا باعىتتالعان جوبالاردى قارجىلاندىرۋدىڭ ناتيجەسىندە جۇمىسسىز جۇرگەن 36 ادامنىڭ كاسىبىن باستايتىنى, جاڭادان 199 جۇمىس ورنى اشى­لاتىنى كوزدەلگەن ەدى. قازىر 40 جاڭا جۇمىس ورنى قۇرىلىپ, مىندەتتى تولەمدەرى تولەندى. نەسيە الۋشىلاردان قايتارىلعان قارجىنى 1 كووپەراتيۆ پەن 10 شاعىن كاسىپ يەسىنە بەرۋ پروتسەدۋراسى ءجۇرىپ جاتىر. جوبا اياسىندا 908 ءىرى قارا, 1 010 جىلقى, 1 215 قوي ساتىپ الىندى», دەپ مالىمدەدى ا.سالامات.

ايتۋىنشا, قوسىمشا جوبالاردى جۇزەگە اسىرۋ ماقساتىندا اۋىل شارۋاشىلىعى مينيستر­لىگىنە بيۋدجەتتىك ءوتىنىم جول­دان­عان. بۇل ماسەلە وڭ شەشىمىن تاپسا, قارجى بەرىلەتىن جوبالار سانى ارتادى.

اتىراۋ وبلىسى