كوكتەمگى ەگىس جۇمىستارىن قارجىلاندىرۋ بيىل باستالادى

مەڭدىقارا اۋدانىنىڭ ەگىس القابىندا شارۋالارمەن جۇزدەسكەن ۆيتسە-پرەمەر 2025 جىلعى كوكتەمگى ەگىس جۇمىستارىن قارجىلاندىرۋ بيىل باستالاتىنىن ايتىپ قۋانتتى. 

ء«بىز فەرمەرلەردى قولداۋ كولەمىن بىرتىندەپ ارتتىرىپ جاتىرمىز. اتاپ ايتقاندا, كوكتەمگى-كۇزگى دالا جۇمىستارىنا جەڭىلدىگى بار قارجىلاندىرۋ كولەمىن 700 ملرد تەڭگەگە دەيىن ۇلعايتامىز, ونىڭ شامامەن 40%-ى «دامۋ» قورى ارقىلى كەپىلدەندىرىلەدى. اۋىل شارۋاشىلىعى تەحنيكاسىن ليزينگكە كرەديتتەۋ كولەمى 100 ملرد تەڭگەدەن 200 ملرد تەڭگەگە دەيىن وسەدى. ناتيجەسىندە جىل سايىنعى جۇمىستاردى قامتاماسىز ەتۋ ءۇشىن فەرمەرلەردى قولداۋ سوماسى 900 ملرد تەڭگەگە دەيىن ۇلعايادى», دەدى سەرىك جۇمانعارين.

ۆيتسە-پرەمەر وڭىرلەردە فەرمەرلەر جاڭا جىلدىڭ باسىندا كوپتەگەن قاجەتتى تاۋارلاردىڭ باعاسى وسەتىندىكتەن,  «كەڭ دالا» باعدارلاماسى بويىنشا كوكتەمگى جۇمىستارعا قول جەتىمدى قاراجاتتى كۇزدە العان ءجون ەكەنىن ايتقانىن جەتكىزدى.

«بيىلعى قاراشا-جەلتوقسان ايلارىندا ءبىز بۇل پروتسەستى باستايمىز. ۇلكەن جوبا بويىنشا جەڭىلدىگى بار قارجىلاندىرۋ كولەمىن كەلەسى جىلعا جىلدىق 2,5% مولشەرلەمەمەن 100 ملرد تەڭگەدەن 200 ملرد تەڭگەگە دەيىن ۇلعايتىپ, نەسيەلەۋ ءۇشىن تاعى 8 جاڭا باعىت قوسامىز. بۇل – ەتتى مال شارۋاشىلىعى, ونەركاسىپتىك جىلىجاي كەشەندەرى, جەمىس ساقتاۋ قويمالارى, بالىق وسىرەتىن بالىق وڭدەۋ شارۋاشىلىقتارى, وراۋ ءوندىرىسى, تەرەڭ وڭدەۋ جانە باسقالارى», دەپ ناقتىلادى ۆيتسە-پرەمەر.

ونىڭ ايتۋىنشا ەكىنشى دەڭگەيدەگى بانكتەر مەن باسقا دا قارجى ينستيتۋتتارىنىڭ جەڭىلدىگى بار قارجىلاندىرۋىن, سونداي-اق اينالىم جانە ينۆەستيتسيالىق قاراجات تۇرىندەگى قولداۋلاردى قوسقاندا, مەملەكەتتىك قولداۋ كولەمى 1,3 – 1,4 ترلن تەڭگەگە دەيىن جەتكىزىلەدى.

فەرمەرلەر الداعى وزگەرىستەردى, اسىرەسە كوكتەمگى ەگىس جۇمىستارىن ەرتە قارجىلاندىرۋ تۋرالى جاڭالىقتى قۋانا قابىلدادى. ولار سونداي-اق ايماقتا جەتكىلىكتى ۇلكەن كولەمدە كۇتىلىپ وتىرعان 4-سىنىپتى بيدايدى فورۆاردتىق ساتىپ الۋ باعاسى قانشا بولاتىنىنا قىزىعۋشىلىق تانىتتى. پرەمەر-ءمينيستردىڭ ورىنباسارى فەرمەرلەردىڭ باعاعا قاتىستى ساۋالدارىن تىڭداپ, ازىق-ت ۇلىك كورپوراتسياسىنا ونىڭ مولشەرىن مۇمكىندىگىنشە تەزىرەك جاريالاۋدى تاپسىردى.

سەرىك جۇمانعارين سونىمەن قاتار قوستانايلىق جىلقى تۇقىمىن وسىرۋمەن اينالىساتىن «قازاق تۇلپارى» جشس-نىڭ جۇمىسىمەن تانىستى. قازاقى جىلقى تۇقىمىن ساقتاپ, ناسيحاتتاۋدىڭ ماڭىزىن نازارعا الا وتىرىپ,  اۋىل شارۋاشىلىعى مينيسترلىگىنە قازاقستاندا قۇرىلىپ جاتقان جىلقى شارۋاشىلىعى ينستيتۋتىنىڭ بازاسىندا جەكە قاراجات ەسەبىنەن جىلقى زاۋىتىن جاڭعىرتۋ باعدارلاماسىن دايىنداۋدى تاپسىردى.