جاڭا ءبىلىم بەرۋ مەكەمەسى الماتى قالاسىنداعى قورعانىس مينيسترلىگىنىڭ اسكەري مەديتسينا ورتالىعى بازاسىندا قۇرىلماق, دەپ حابارلايدى Egemen.kz.
قورعانىس مينيسترلىگىنىڭ حابارلاۋىنشا, قازىرگى ۋاقىتتا جوعارى مەديتسينالىق ءبىلىم بەرۋ جانە اسكەري ينتەرناتۋرا باعدارلامالارى بويىنشا اسكەري دارىگەرلەردى اقتوبە قالاسىنداعى اۋە قورعانىسى كۇشتەرىنىڭ اسكەري ينستيتۋتى بازاسىندا مارات وسپانوۆ اتىنداعى باتىس قازاقستان مەديتسينا ۋنيۆەرسيتەتىمەن بىرلەسىپ دايىندايدى.
ال جوعارى وقۋ ورنىنان كەيىنگى مەديتسينالىق ءبىلىم بەرۋ باعدارلاماسى بويىنشا اسكەري-مەديتسينالىق كادرلاردى دايىنداۋ «استانا» مەديتسينالىق ۋنيۆەرسيتەتىمەن اكادەميالىق ۇتقىرلىق شەڭبەرىندە قر ۇلتتىق قورعانىس ۋنيۆەرسيتەتىنىڭ اسكەري مەديتسينا كافەدراسىنىڭ بازاسىندا جۇزەگە اسىرىلادى.
حالىقارالىق ىنتىماقتاستىق جەلىسى بويىنشا رەسەيدە, وزبەكستاندا, ارمەنيادا, قىتايدا جانە تۇركيادا جوعارى جانە جوعارى وقۋ ورنىنان كەيىنگى مەديتسينالىق ءبىلىم بەرۋ باعدارلامالارى بويىنشا ماماندار دايارلاناتىنى حابارلاندى.
ايتا كەتەيىك, جوبانى ىسكە اسىرۋ قولدا بار مەكەمەلەردى قايتا ۇيىمداستىرۋدى, ۇيىمداستىرۋ شارالارىن جۇرگىزۋدى, قاجەتتى ينفراقۇرىلىمدى, اكادەميانىڭ وقۋ-ماتەريالدىق بازاسىن قۇرۋدى, ءبىلىم بەرۋ باعدارلامالارىن ازىرلەۋدى جانە ليتسەنزيا الۋدى تالاپ ەتەدى.