مەديا ساۋاتتىلىق باعىتىندا مينيسترلىك تاراپىنان 2021 جىلدان بەرى كەشەندى جۇمىس اتقارىلىپ كەلەدى. وقۋ-اعارتۋ مينيسترلىگىمەن بىرلەسە «مەديا جانە قارجىلىق ساۋاتتىلىق» ءپانى وقۋ باعدارلاماسىنا ەنگىزىلدى. ياعني مەكتەپتەردە 5-11 سىنىپ وقۋشىلارىنا جاھاندىق دەڭگەيدەگى ماسەلەنىڭ كۋرستارى وقىتىلىپ جاتىر.
بيىل ەلىمىزدە ءبىز الەۋمەتتىك وسال توپتاعى ازاماتتار اراسىندا اقپاراتتىق ساۋاتتى ارتتىرۋ باعىتىنداعى 30-دان اسا ۆەبينار مەن ءىس-شارا وتكىزدىك. كەلەسى جىلى دا ۇكىمەتتىك ەمەس ۇيىمدارمەن بىرلەسە وتىرىپ, مەديا ساۋاتتىلىقتى ارتتىرۋعا ارنالعان وسىنداي كەشەندى ءىس-شارالار ۇيىمداستىرۋ جوسپاردا بار.
كەيىنگى بىرنەشە جىلدا كەزەڭ-كەزەڭىمەن ءبىز اقپارات سالاسىنا قاتىسى بار زاڭنامالاردى جەتىلدىرۋ, جاڭعىرتۋ جۇمىستارىن جۇرگىزىپ كەلەمىز. ەكى جىلدان اسا ۋاقىت بۇرىن قازىرگى زاڭناما توڭىرەگىندە كوپتەگەن تالقىلاۋ وتكىزىلدى. زاڭ جوباسى جان-جاقتى تالقىعا ءتۇستى. ياعني بىردە ءبىز سالا وكىلدەرىنە قۇلاق تۇرسەك, بىردە ءبىزدى قارسى تاراپتى تىڭداپ كەلدى. وسىلايشا, ءبىز سالاعا قاتىستى بىرىڭعاي تەتىكتەردى ازىرلەي الدىق.
بىلتىر مەديا سالا وكىلدەرىن ەكىگە ءبولۋ كەرەك دەگەن شەشىمگە كەلدىك. ياعني ءبىر زاڭمەن ونلاين-پلاتفورمانى رەتتەسەك, تاعى ءبىر بولەك زاڭمەن كادىمگى بۇقارالىق اقپارات قۇرالدارىنىڭ جۇمىسىن جۇيەلەۋدى ءجون كوردىك. ال ماسس-مەديا تۋرالى زاڭعا ەرەكشە مارتەبە ءبىرىلدى.
الىشەر مۇقاجانوۆ,
مادەنيەت جانە اقپارات مينيسترلىگى اقپارات كوميتەتى توراعاسىنىڭ ورىنباسارى