پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا ونەركاسىپ جانە قۇرىلىس ءمينيسترى قانات شارلاپاەۆ سۋ تاسقىنىنان زارداپ شەككەن ەل ازاماتتارىنا ارنالعان 2 576 ءۇيدىڭ قۇرىلىسى اياقتالعانىن مالىمدەدى, دەپ حابارلايدى Egemen.kz.
ايتا كەتەرلىگى, ۇيلەردى سالۋ جۇمىستارى مامىر ايىنىڭ سوڭىندا باستالىپ, 4 اي ىشىندە اياقتالعان.
سولتۇستىك قازاقستان, اقتوبە, قوستاناي جانە اتىراۋ وبلىستارىندا سۋ تاسقىنىنان زارداپ شەككەندەرگە ارنالعان ۇيلەردىڭ قۇرىلىسى 100% اياقتالعان. اقمولا (38 ءۇي) جانە باتىس قازاقستان وڭىرلەرىندە (66 ۇي) قۇرىلىس جۇمىستارى ءالى دە جالعاسىپ جاتىر. جاڭا ۇيلەردى قىركۇيەك ايىنىڭ سوڭىندا تاپسىرۋ جوسپارلانىپ وتىر.
ەسكە سالا كەتەيىك, كوكتەمگى سۋ تاسقىنى سالدارىنان قازاقستاندا بارلىعى 17 603 ءۇي زارداپ شەككەن, ونىڭ 8 447-ءسى كەيىننەن اپاتتى دەپ تانىلعان ەدى. مەملەكەت جاڭا ۇيلەر سالۋدان بولەك, قايتالاما نارىقتا 5 767 بىرلىك تۇرعىن ءۇي ساتىپ العان.