قوستاناي وبلىسىندا ءورت بەكەتىنىڭ جاڭا عيماراتى اشىلدى (فوتو)

قوستاناي. 15 ماۋسىم.  اۋليەكول اۋدانىنداعى ديەۆ اۋىلىندا ءورت بەكەتى ءۇشىن جاڭا عيمارات اشىلدى. بۇل تۋرالى egemen.kz ءتىلشىسى حابارلادى. اۋليەكول اۋدانى اۋدانىنا قاراستى ديەۆ اۋىلىندا وتكەن جىلى جازدا اۋدان اكىمدىگى جانە وسىنداعى «ديەۆ اگروفيرماسى» جاۋاپكەرشىلىگى شەكتەۋلىگى سەرىكتەستىگىنىڭ قولداۋىمەن ەرىكتى ءورت كومانداسى ءۇشىن ءورت بەكەتى اشىلعان بولاتىن.  مىنە, ءبىر جىل وتكەننەن كەيىن ءورت بەكەتى جاڭا عيماراتقا ورنالاستىرىلدى. بەكەتتە تاۋلىكتىك قىزمەت اتقاراتىن قىزمەتكەرلەر دەمالۋ ءۇشىن بارلىق قاجەتتى جاعداي جاسالعان. ديسپەچەرلىك, تاماقتانۋ, جۋىناتىن بولمەلەرى جانە گاراج بار. بەكەت شتاتىندا 4   جۇرگىزۋشى, 7 ءورت ءسوندىرۋشى –بارلىعى 11 ادام  جۇمى ىستەيدى.   ديەۆ اۋىلىنداعى بەكەتى ءورت-تەحنيكالىق جاراقتارمەن جابدىقتالعان, 1 «اتس-40(131) -137ا» ءاۆتوموبيلى, ججم رەزەرۆى بار, جەكە قۇراما  ارنايى قولعاپپەن,  كيىممەن  قامتاماسىز ەتىلگەن. اۋىلداعى ءورت ءسوندىرۋ بەكەتىنە «ديەۆ» اگروفيرماسى» سەرىكتەستىگىنىڭ بارلىق شارۋاشىلىق نىساندارى جانە ديەۆ اۋىلدىق وكرۋگىنىڭ اكىمشىلىك اۋماعى, سونىمەن قاتار سول توڭىرەكتەگى  ورماندى-دالالى جەرلەر جانە   ۇشقاراسۋ, پوگرانيچنىي جانە قوساعال ەلدى مەكەندەرىن ءتىلسىز جاۋدان قورعاۋ جۇكتەلگەن. جاڭا ءورت بەكەتىنىڭ اشىلۋ سالتاناتىنا اۋليەكول اۋدانىنىڭ اكىمى ا. بالعارين, «ديەۆ» اگروفيماسى» جشس باس ديرەكتورى و. دانيلەنكو, قوستاناي وبلىسىنىڭ توتەنشە جاعدايلار دەپارتامەنتىنىڭ باستىعى ورتكە قارسى قىزمەت پولكوۆنيگى ت.كاكىموۆ, ءوسبجپجب باستىعى ورتكە قارسى قىزمەت پولكوۆنيگى ا. وسپانوۆ, اۋليەكول اۋدانىنىڭ تجب باستىعى, ورتكە قارسى قىزمەت پودپولكوۆنيگى د.تورەجانوۆ قاتىستى. اۋليەكول اۋدانى ديەۆ   ورتتەن قۇتقارۋ بەكەتىنىڭ اشىلۋى شالعاي ەلدى مەكەندەردەگى تۇرعىنداردىڭ قاۋىپسىزدىك دەڭگەيىن جوعارىلاتتى. ويتكەنى   بۇرىن مۇندا ءورت ءسوندىرۋ كۇشتەرى ۋاقىتىندا كەلىپ ۇلگەرمەيتىن. ءنازيرا جارىمبەتوۆا. دەرەك, سۋرەت: egemen.kz