جاڭا پاتەرگە قونىستاندى

باسپانا كەزەگىن­دە تۇرعان 288 ادامعا جالعا بە­رى­لەتىن پاتەر كىلتتەرى تابىستالدى. لادوجسكايا كوشەسى, 17 مە­كەنجايى بويىنشا بوي كوتەرگەن تۇرعىن ۇيگە جەتىم بالالار, كوپبالالى وتباسىلار جانە الەۋمەتتىك وسال وتباسىلار ساناتىنداعى ازاماتتار قونىستاندى. وبلىس اكىمى اسايىن بايحانوۆ قونىس يەلەرىن ارنايى قۇتتىقتادى.

– وسى جىلدىڭ ناۋ­رىز ايىندا كەزەكتە تۇر­عان­­داردىڭ ءۇش ساناتىنا 210 پاتەر بەردىك. ال بۇ­گىن كوپ­تەن كۇتكەن پاتەر كىلت­­تەرىن پاۆلوداردىڭ ءۇي كە­زەگىندە تۇرعان 288 جان­عا تابىستاعانىما وتە قۋانىش­تىمىن. كەي­بىرەۋ­لەرىڭىزگە بۇل كۇندى ۇزاق جىل كۇ­تۋگە تۋرا كەلگەنىن بىلەمىن. وب­لىس باسشىلىعى اتىنان ۇزاق كۇتتىرگەنىمىزگە كە­شى­رىم سۇراي­مىن جانە تۇسىنىستىك تانى­تىپ, شى­دامدىلىق تا­نىت­­قان­دارىڭىزعا العى­سىم­دى بىل­دى­رەمىن. بيىل تاعى 250 پاتەر تاپسىرامىز. بىراق ولار «شاڭىراق» جانە «باقىتتى وتبا­سى» مەملەكەتتىك باعدارلاما­لارى اياسىندا الەۋمەتتىك-نەسيەلىك تۇرعىن ءۇي باعىتى بويىنشا بەرىلەدى, – دەدى ءوڭىر باسشىسى.

ا.بايحانوۆ «دوستىق» شاعىن اۋدانىنىڭ قۇرى­لىسى جالعاساتىنىن اتاپ ءوت­تى. «جايلى مەكتەپ» باع­دار­لاماسى اياسىندا زامانعا ساي ءبىلىم ۇياسى سالىنۋدا, با­لاباقشا, ەمحانا, مۇز ارە­ناسى, كونتسەرت زالى, مە­شىت سالۋ جوسپارلانعان. قا­لالىق قوعامدىق كولىك قوز­عالىسى, ونىڭ ىشىندە ترامۆاي باعىتتارىنىڭ جەلىلەرى ۇزارتىلاتىن بولادى.

الەۋمەتتىك باسپاناعا يە بولعانداردىڭ ءبىرى – موڭ­عوليانىڭ تۋماسى, قانداس جانات داۋان. ول جۇبايى ماعريپا كانكونەيمەن بىر­گە 8 بالا تاربيەلەپ وتىر.

– 2006 جىلى اتامەكەنى­مىزگە كوشىپ كەلىپ, مويىل­دى اۋىلىنا قو­نىس تەپ­تىك. تۇر­عىن ءۇي كەزە­گىن­دە شامامەن 17 جىل تۇر­دىم جانە ەشقاشان ءۇمى­تىمدى ۇزگەن ەمەسپىن. مەم­لەكەتكە وتە ريزامىن, بۇل ءبىزدىڭ كوپتەن كۇتكەن قۋا­نىشىمىز, – دەپ وي ءبولىس­تى كوپبالالى وتبا­سىنىڭ وتاعاسى.

بۇعان قوسا ءوڭىر بيلىگى تۇرعىن ءۇي كەزەگىندە تۇرعان وتباسىلاردى باس­پانامەن قامتۋعا جالپى سوماسى 12,8 ملرد تەڭگە بولاتىن قۇن­دى قاعازداردى ارناپ وتىر. بۇل قاراجات 815 وتبا­سىن باسپانامەن قامتۋعا جە­تەدى. بيىل وبلىستا تۇر­عىن ءۇي كەزەگىندە تۇرعان ازامات­تاردىڭ ماسەلەسىن شەشۋ ءۇشىن 3 ملرد تەڭگە قاراجات قۇندى قاعازدار تۇرىندە با­عىتتالدى. بىراق بۇل پاتەر­لەرگە كىرگەن وتباسىلار ونى ساتىپ الا المايدى. ال كەيىن ساتىپ الۋ قۇقىعى بەرى­لەتىن پاتەرلەرگە ودان 4 ەسە كوپ قاراجات, ياعني 12,8 ملرد تەڭگە ءبولىنىپ وتىر.

– ءبىز بيىلعى ماۋسىم ايىنان بەرى قۇندى قاعاز­دار شىعارۋدى قولعا ال­دىق. مەملەكەتتىك قۇندى قاعاز­دار­دىڭ جالپى سوماسى – 12,8 ملرد تەڭگە. بۇل قاراجاتقا كە­زەكتە تۇرعان 815 وتباسىنى ساتىپ الۋ قۇقىعى بەرىلەتىن باس­پا­نامەن قامتيمىز. تەك پاۆ­لو­دار قالاسى بويىنشا قۇندى قا­­عازدار ارقىلى 480 پاتەر سات­ىپ الىنۋى كەرەك, – دەپ حابار­لا­دى وبلىستىق ەكونوميكا جانە بيۋدجەتتىك جوسپارلاۋ باس­­قار­­­ما­سىنىڭ باسشىسى يرينا نازار­چۋك.

الەۋمەتتىك تۇرعىن ءۇي قۇ­­رى­لىسىنا بيىل بيۋد­جەت قا­راجاتى قاراستى­رىل­­ماعان. ەسەسىنە يپو­تە­كا­­لىق باعدارلاما جاقسى جۇ­مىس ىستەپ تۇر. ياعني قۇرى­لىس كوم­پانيالارى ءۇي سالا­دى دا, ونى «وتباسى بانك» ارقىلى يپو­تەكاعا شىعارادى.

پاۆلودار