سەنات دەپۋتاتتارى, اەس سالۋ جونىندەگى حالىقتىق شتاب مۇشەلەرى الىبەك ناۋتيەۆ پەن ساعىندىق لۇقپانوۆ ماحامبەت اۋدانىنا قاراستى بەيبارىس اۋىلىندا ءبىلىم سالاسىنىڭ قىزمەتكەرلەرىمەن كەزدەستى, دەپ حابارلايدى Egemen.kz.
سەناتتىڭ ءباسپاسوز قىزمەتىنىڭ مالىمەتىنشە, دەپۋتاتتار كەزدەسۋ بارىسىندا قازىرگى ۋاقىتتا الەم ەكولوگيالىق تازا ەنەرگيا كوزىنە كوبىرەك اۋىسىپ جاتقانىن, ونىڭ ىشىندە اتوم ەنەرگەتيكاسى نەگىزگى قۇرامعا جاتاتىنىن ايتىپ, اەس كومىرتەگى نەگىزىندەگى ەنەرگيا كوزدەرىنە تاۋەلدىلىكتى ازايتىپ, قورشاعان ورتاعا وڭ اسەر ەتەتىنىن ەگجەي-تەگجەيلى ءتۇسىندىردى.
سوندىمەن قوسا, سەناتورلار اتوم ەلەكتر ستانساسىنىڭ ەكونوميكا تۇرعىسىندا دا وڭ اسەرىنە باسا نازار اۋداردى.
شتاب مۇشەلەرى جيىنعا قاتىسۋشىلاردىڭ رەفەرەندۋم تۋرالى سۇراقتارىنا جاۋاپ بەردى جانە تۇرعىنداردى داۋىس بەرۋگە بەلسەندى قاتىسۋعا شاقىردى.