پەتروپاۆل. 27 قاڭتار. پەتروپاۆلدا ادامداردىڭ سەنىمىنە كىرمەك بولعان الاياقتىڭ قولعا تۇسۋىنە بانكتەردىڭ شاعىمى نەگىز بولدى. بۇل تۋرالى سولتۇستىك قازاقستان وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى.
پەتروپاۆلدىق 28 جاستاعى تۇرعىن عالامتور قىزمەتىن پايدالانۋشىلارعا قيساپسىز حات جولداپ, بەلگىلى كەستەلەردى تولتىرۋىن ءوتىنىپ وتىرعان. وسىلايشا, جەكە ادامداردىڭ قۇپيا كودتارىن, پارولدەرىن, نەسيە كارتالارىن ءبىلىپ العان.
بانكتەردىڭ دەر كەزىندە دابىل قاعۋىنىڭ ارقاسىندا كريمينالدىق پوليتسيا قىزمەتكەرلەرى ونىڭ ىزىنە ءتۇسىپ, قولعا ءتۇسىردى. تەرگەۋ بارىسىندا ەشقايدا كەتپەۋ جونىندە قولحات بەرگەن ونىڭ ەكى بانكتىڭ اتىنان ارەكەت ەتىپ, بوگدە ادامداردىڭ نەسيە كارتالارىن پايدالانۋ ارقىلى كوممۋنالدىق تولەمدەر مەن تەلەفون شىعىندارىن وتەپ العانى انىقتالدى.
ءومىر ەسقالي.
دەرەك: سولتۇستىك قازاقستان وبلىستىق ىشكى ىستەر دەپارتامەنتىنىڭ ءباسپاسوز قىزمەتى.
سۋرەت: delta.ru.