پەتروپاۆل. 27 قاڭتار. پەتروپاۆل قالاسىنىڭ ن.وستروۆسكي كوشەسىندەگى جىلۋ كوللەكتورىندا بەلگىلى ءبىر تۇراعى جوق 24 جانە 45 جاستاعى ەكى ادام دەنە جاراقاتىن الىپ جانە گازدان ۋلانىپ, اۋرۋحاناعا ءتۇستى. ولار ماس كۇيدە بولىپ, ءورت قاۋىپسىزدىگىن ساقتاماعان. بۇل تۋرالى وبلىستىق توتەنشە جاعدايلار جونىندەگى دەپارتامەنتتىڭ ءباسپاسوز قىزمەتى حابارلادى.
وبلىس ورتالىعىنىڭ ۋكراين كوشەسىندە ءوز ءۇيىنىڭ اۋلاسىندا 43 جاستاعى پەتروپاۆلدىق اۆتوموبيلىنە جانارماي قۇيىپ جاتىپ, ۇستىنە بەنزين توگىپ العان. سىرت كيىمىن شەشىپ جاتقاندا ەلەكتر ۇشقىنىنان بەنزين بۋى وزدىگىنەن تۇتانىپ, اۆتوكولىك يەسى تەرميالىق كۇيىككە شالىنعان. ول اۋىر جاعدايدا اۋرۋحاناعا جەتكىزىلدى. بۋلاەۆو قالاسىنداعى جانە ۆوزۆىشەنكا اۋىلىنداعى تۇرعىن ۇيلەردەن, پەتروپاۆل قالاسىنىڭ رۋجەينيكوۆ كوشەسىندەگى گاراجدان شىققان ورتكە پەشتەردىڭ اقاۋى سەبەپ بولعان. بۋلاەۆو مەن پەتروپاۆل قالالارىندا سىمداردىڭ قىسقا تۇيىقتالۋىنان جانە كولىكتى گازبەن قىزدىرۋدان ەكى شەتەلدىك اۆتوموبيل ورتەنگەن.
جىل باسىنان بەرى وبلىستا 50 ءورت وقيعاسى تىركەلدى, 2 ادام قايعىلى قازاعا ۇشىرادى, 3 ادام ءارتۇرلى دەڭگەيدە دەنە جاراقاتىن الدى.
ءومىر ەسقالي.
دەرەك: سولتۇستىك قازاقستان وبلىستىق توتەنشە جاعدايلار جونىندەگى دەپارتامەنتتىڭ ءباسپاسوز قىزمەتى.
سۋرەت: otyrar.kz.