ولجاس بەكتەنوۆ: ەلىمىزگە ەنەرگيانىڭ ورنىقتى بالاما كوزى قاجەت

يتاليالىق ENI ەنەرگەتيكالىق كومپانياسىنىڭ جەل ەلەكتر ستانساسىنا بارعان كەزدە پرەمەر-مينيسترگە «بادامشا», «بادامشا-2» جەس-ءنىڭ جۇمىسى تۋرالى باياندالعان. بۇل جوبالاردى ىسكە اسىرۋعا 69 ملرد تەڭگە جەكە ينۆەستيتسيا سالىنعان.

قازىرگى تاڭدا «بادامشا-2» تۋربينالارى قازاقستانداعى ەڭ ءىرىسى سانالادى. جوبا شەڭبەرىندە جىل سايىنعى ەلەكتر ەنەرگياسىن ءوندىرۋ شامامەن 195 گۆت*ساع-تى قۇرايدى, بۇل شامامەن 37 مىڭ ءۇي شارۋاشىلىعىنىڭ ەنەرگيا تۇتىنۋ كورسەتكىشىنە تەڭ جانە CO2 قالدىقتارىن جىلىنا 172 مىڭ تونناعا قىسقارتۋعا مۇمكىندىك بەرەدى.

سونىمەن قاتار پرەمەر-مينيسترگە «قازمۇنايگاز» ۇك» اق-مەن بىرلەسكەن جوبا – ماڭعىستاۋ وبلىسىنىڭ جاڭاوزەن قالاسىنداعى گيبريدتى ەلەكتر ستانساسىنىڭ ىسكە اسىرىلۋ بارىسى تۋرالى ايتىلعان.

Arm Wind وندىرىستىك قۋاتىن تەكسەرۋ بارىسىندا ولجاس بەكتەنوۆ ەكونوميكالىق تۇراقتىلىقتى ەكولوگيالىق تۇراقتىلىقپەن ۇيلەستىرۋدىڭ ماڭىزدى ەكەنىن باسا ايتتى. سونداي-اق كومىرتەكسىزدەندىرۋ مەن شىعارىندى مولشەرىنىڭ تومەندىگىن ەسكەرە وتىرىپ, ەنەرگەتيكا ينفراقۇرىلىمىن ودان ءارى دامىتۋ قاجەتتىگىن اتاپ ءوتتى.

ايتا كەتەيىك, جالپى اقتوبە وبلىسى بويىنشا تۇتىنىلاتىن ەلەكتر قۋاتىڭىڭ ورتاشا مولشەرى 947 مۆت, ونىڭ ىشىندە جەرگىلىكتى كوزدەرمەن گەنەراتسيالاۋ 496 مۆت-تى (52%) قۇرايدى. ەلەكتر ەنەرگياسىنىڭ تاپشىلىعى – 451 مۆت (48%). جۇكتەمەنىڭ ءوسۋ ديناميكاسىنا, سونداي-اق KEGOC بولجامىنا سۇيەنە وتىرىپ, 2028 جىلعا قاراي اقتوبە وبلىسىندا ەلەكتر ەنەرگياسىن تۇتىنۋ كولەمى 1 270 مۆت-تى قۇرايدى دەپ جوسپارلانىپ وتىر. 

«جەل جانە كۇن ەلەكتر ستانسالارى قازاقستانداعى «جاسىل» ەنەرگيا ۇلەسىن ارتتىرۋعا باعىتتالعان جالپى جۇمىستىڭ ماڭىزدى بولىگى سانالادى, ولار بۇگىندە ەلىمىزدەگى جالپى ەلەكتر ەنەرگياسى كولەمىنىڭ 6%-ىن قامتاماسىز ەتەدى. سونىمەن قاتار ەلىمىزدەگى ەنەرگەتيكا سەكتورىنىڭ 70%-عا جۋىعى كومىر ەلەكتر ستانسالارىنا تاۋەلدى. وكىنىشكە قاراي, ەلىمىزدە جەو توزۋىنىڭ جوعارى دەڭگەيى جانە قاجەتتىلىك كولەمىنىڭ ارتۋى ەنەرگياعا تاۋەلدىلىككە الىپ كەلەدى. ءبىز مۇنى قازاقستاننىڭ سولتۇستىك وڭىرلەرى مەن رەسەيدەن ەلەكتر قۋاتىن ساتىپ الىپ وتىرعان اقتوبە وبلىسىنىڭ مىسالىنان كورىپ وتىرمىز. ۇزاقمەرزىمدى ەنەرگەتيكالىق تۇراقتىلىق ءۇشىن ەلىمىزگە ەنەرگيانىڭ ورنىقتى بالامالى كوزى قاجەت», دەدى ولجاس بەكتەنوۆ.

ەسكە سالا كەتەيىك, 6 قازاندا قازاقستاندا اتوم ەلەكتر ستانساسىن سالۋ بويىنشا رەسپۋبليكالىق رەفەرەندۋم وتەدى. حالىق قولداعان جاعدايدا, اتوم ەنەرگەتيكاسىن دامىتۋ ەلىمىزدى تۇراقتى ءارى ەكولوگيالىق تازا ەنەرگيامەن قامتاماسىز ەتۋگە مۇمكىندىك بەرەدى.

پرەزيدەنت تاپسىرمالارىن ورىنداۋ اياسىندا ەلىمىزدىڭ شاعىن قالالارى مەن اۋىلدارىنداعى 1 مىڭعا جۋىق مەكتەپ جاڭعىرتىلىپ, 1,5 مىڭنان استام ءپان كابينەتى جابدىقتالعان.

«ساپالى ءبىلىم تۇرعىلىقتى جەرىنە قاراماستان بارلىق تۇرعىنعا قولجەتىمدى بولۋى ءتيىس. قالا مەن اۋىل اراسىندا ءبىلىم ساپاسىنداعى الشاقتىقتى ازايتۋ – ۇكىمەت جۇمىسىنىڭ نەگىزگى باسىمدىقتارىنىڭ ءبىرى. بۇل باعىتتا ءبىز حالىقتىڭ اسىرەسە, اۋىلدارداعى ازاماتتاردىڭ الەۋمەتتىك ءال-اۋقاتى مەن دامۋىنا مۇددەلى بەلسەندى بيزنەستى تولىق قولدايمىز», دەپ اتاپ ءوتتى ۇكىمەت باسشىسى.