ەلوردا پروكۋراتۋراسىنىڭ ۇيلەستىرۋىمەن ۋاكىلەتتى ورگان ەسىرتكى زەرتحاناسىن انىقتاعان. سوتقا دەيىنگى تەرگەپ-تەكسەرۋ ناتيجەلەرى بويىنشا ءۇش ادام سوتقا بەرىلگەن, دەپ حابارلايدى Egemen.kz.
قالا پروكۋراتۋراسىنىڭ مالىمەتىنشە, سوت تەرگەۋى بارىسىندا سوتتالۋشىنىڭ تەمىر كونتەينەردى جالعا العانى انىقتالعان. وسىدان كەيىن ول قالا سىرتىندا قۇنى 2 ملن تەڭگە تۇراتىن جەر تەلىمىن ساتىپ الىپ, اتالعان كونتەينەردى پسيحوتروپتىق زاتتاردى شىعاراتىن زەرتحانا رەتىندە جابدىقتاپ, ورنالاستىرعانى بەلگىلى بولدى.
انىقتالعانداي, كىنالى تۇلعا قىلمىستىق ارەكەتكە ەكى سىبايلاسىن تارتقان.
«تەرگەۋ بارىسىندا استىرتىن زەرتحانادان الىنعان 24 كگ استام پسيحوتروپتىق زاتتار جويىلدى. ناتيجەسىندە سوت ەلوردانىڭ ءۇش تۇرعىنىن اسا ءىرى كولەمدە پسيحوتروپتىق زاتتاردىڭ انالوگىن ساتۋ ماقساتىندا زاڭسىز دايىنداعانى جانە ساقتاعانى ءۇشىن كىنالى دەپ تانىپ, 10 جىلدان 11 جىل 3 ايعا دەيىنگى مەرزىمگە باس بوستاندىعىنان ايىرۋ جازاسىنا سوتتالدى», دەلىنگەن حابارلامادا.
سوت ۇكىمى زاڭدى كۇشىنە ەندى.