استانا. 27 قاڭتار. وپپوزيتسيالىق راديكالدى وڭشىل «سيريزا» پارتياسىنىڭ ليدەرى الەكسيس تسيپراس دۇيسەنبى, 26 قاڭتار كۇنى گرەكيانىڭ جاڭا پرەمەر-ءمينيسترى رەتىندە انت قابىلدادى. بۇل تۋرالى تاسس حابارلادى.
«قالىپتاسقان داستۇرگە ساي الەكسيس تسيپراس گرەكيا زاڭدارىن ساقتاۋعا جانە گرەك حالقىنىڭ مۇددەسى ءۇشىن قىزمەت ەتۋگە انت بەردى. سالتانات پرەزيدەنت سارايىندا مەملەكەت باسشىسى كارولوس پاپۋلياستىڭ قاتىسۋىمەن ءوتتى», -دەپ اتاپ ءوتتى اگەنتتىك.
گرەكيا ىشكى ىستەر مينيسترلىگىنىڭ مالىمەتى بويىنشا, كەزەكتەن تىس پارلامەنت سايلاۋىندا «سيريزا» پارتياسى جەڭىسكە جەتكەن. ول سايلاۋشىلاردىڭ 36,34 پايىزدىق قولداۋىنا يە بولىپ, پارلامەنتتەگى 300 ورىننىڭ 149-ن العان.
پرەمەر-مينيستر انتونيس ساماراس باسقاراتىن وڭشىل تسەنتريست «نوۆايا دەموكراتيا» پارتياسى 27,81 پايىزدىق داۋىسقا (76 ورىن) قول جەتكىزدى. ءۇشىنشى ورىندا – اسىرە وڭشىل «حريسي اۆگي» («التىن اراي»). ول 6,28 پايىز داۋىس جيناپ, 17 ورىندى ەنشىلەدى. بۇدان 6,05 پايىزدى (17 ورىن) ۋلترا تسەنتريستىك «پوتامي» («وزەن»), 5,47 پايىزدى (15 ورىن) گرەكيا كوممۋنيستىك پارتياسى, 4,75 پايىزدى (13 ورىن) وڭشىل تسەنتريستى «تاۋەلسىز گرەكتەر» (انەل) پارتياسى 4,68 پايىزدى (13 ورىن) بۇكىلگرەكتىك سوتسياليستىك قوزعالىسى (پاسوك) تۇر.
«سيريزا» پارتياسىنىڭ ليدەرى الەكسيس تسيپراس تۇپكىلىكتى جەڭىسكە جەتكەن جاعدايدا حالىقارالىق ۆاليۋتا قورى مەن ەۋروپا وداعى سەكىلدى حالىقارالىق كرەديتورلار ەنگىزگەن قاتاڭ ۇنەمدەۋ ساياساتىنان باس تارتاتىنىن مالىمدەدى.
مۇرات ايتقوجا.
دەرەك, فوتو: تاسس.