مەديتسينا سالاسىنا – 40 كولىك

اتىراۋ وبلىسىنىڭ اكىمى سەرىك شاپكەنوۆتىڭ ايتۋىنشا, مەملەكەت باسشىسى قاسىم-جومارت توقاەۆتىڭ تىكەلەي تاپسىرماسىمەن وڭىردەگى مەديتسينالىق مەكەمەلەردىڭ ماتەريالدىق-تەحنيكالىق بازاسىن جاقسارتۋ جۇمىسى جۇيەلەنىپ وتىر. بيىل 7 مەديتسينالىق نىسان بوي كوتەردى. ونىڭ ىشىندە شالعايدا ورنالاسقان 3 اۋىلدا فەلدشەرلىك-اكۋشەرلىك پۋنكت قۇرىلىسى اياقتالىپ, قولدانىسقا بەرىلدى. قازىر 15 ەلدى مەكەندە دارىگەرلىك امبۋلاتوريا سالىنىپ جاتىر.

«جەرگىلىكتى بيۋدجەتتىڭ قارجىسىنا Haval ن6 جانە Haval M6 ماركالى كولىكتەرى ساتىپ الىندى. ەندى الىس اۋداندارداعى مەديتسينا مەكەمەلەرىن قاجەتتى جابدىقتارمەن قامتۋ جوسپارلانىپ وتىر. جىلىوي اۋدانىنىڭ ورتالىعى – قۇلسارى قالاسىنداعى ورتالىق اۋرۋحا­ناعا مرت اپپاراتى ورناتىلدى. وسىنداي دياگنوستيكالىق قۇرىلعىنى قۇرمانعازى جانە يندەر اۋدانىنداعى اۋرۋحانالارعا دا ورناتۋدى كوزدەپ وتىرمىز. مۇنىمەن بىرگە دارىگەرلەرگە الەۋمەتتىك قولداۋ كورسەتىپ, باسپانامەن قامتۋ ماسەلەسى قولعا الىندى», دەدى س.شاپكەنوۆ.

وبلىستىق دەنساۋلىق ساقتاۋ باسقار­ماسى باستىعىنىڭ ورىنباسارى جاقسىلىق جانۇزاقوۆتىڭ مالىمەتىنە سۇيەنسەك, 15 جاڭا كولىك اۋداندارداعى اۋرۋحانالار مەن اۋىلدىق امبۋلاتوريالىق پۋنكتتەرگە بەرىلەدى. ال 25 كولىك اتىراۋ قالاسىنداعى ەمحانالار مەن پسيحيكالىق دەنساۋلىق ورتالىعىنا, دامبى دارىگەرلىك امبۋلاتورياسىنا تاپسىرىلدى.

اتىراۋ قالاسىنداعى №3 ەمحانا ديرەك­تورىنىڭ مىندەتىن اتقارۋشى مير­گۇل كەنجەعاليەۆانىڭ ايتۋىنشا, مۇندا 53 مىڭعا جۋىق تۇرعىن تىركەلىپتى. ولارعا 30 دارىگەر مەديتسينالىق قىزمەت كورسەتەدى.

ء«بىزدىڭ ەمحانانىڭ جانىندا بىرنەشە امبۋلاتوريا بار. بۇل امبۋلاتوريا­لار اقجار, اقساي, المالى, بەرەكە ەلدى مەكەندەرىندە ورنالاسقان. دارىگەر­لەر كۇنىنە 500-دەن 700-گە دەيىن پاتسيەنت قابىلدايدى. تۇرعىندارعا جەدەل قىز­مەت كورسەتۋ ءۇشىن سانيتارلىق كولىك قاجەت. ەندى ءبىزدىڭ ەمحانا مەن امبۋلا­تو­ريالارعا 5 جاڭا كولىك ءبولىنىپ وتىر. بۇل دارى­گەرلەردىڭ ساپالى قىزمەت كور­سەتۋىنە وڭ ىقپالىن تيگىزەدى», دەيدى م.كەنجەعاليەۆا.

اتىراۋ وبلىسى