اقتوبە قالاسىنداعى ەسەت باتىر تۇرعىن الابىندا 9 جاسار بالا اتكەنشەكتەن قۇلاپ كوز جۇمدى, دەپ حابارلايدى Egemen.kz.
وقيعا كەشە تۇندە بولعان. قاتتى سوققىدان بالانىڭ باسى جارىلىپ, ومىرتقاسى مەن قابىرعالارى سىنعان.
اقتوبە وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىنىڭ حابارلاۋىنشا, قوڭىراۋ 19:02-دە تۇسكەن, جەدەل جاردەم بريگاداسى 19:09-دا وقيعا ورنىنا جەتكەن.
«جەدەل جاردەم كەلگەنشە بالا ەس-ءتۇسسىز جاتقان, كۋاگەرلەر ونىڭ جۇرەگىنە ماسساج جاساعان. 103 قىزمەتىنىڭ مامانى بالاعا 30 مينۋت بويى رەانيماتسيالىق كومەك كورسەتۋگە تىرىسقانىمەن, ناتيجە بولمادى. ءولىم باس سۇيەگىنىڭ اشىق جاراقاتى, باس سۇيەگىنىڭ نەگىزىنىڭ سىنۋى جانە مويىن ومىرتقاسىنىڭ جابىق سىنۋى ناتيجەسىندە ورىن الدى. جەدەل جاردەم كەلگەنگە دەيىن كەۋدە قۋىسىنىڭ قىسىلۋىنىڭ سالدارىنان جابىق قابىرعا سىنۋى مەن پنەۆموتوراكس پايدا بولدى», دەپ حابارلادى اقتوبە وبلىسىنىڭ دەنساۋلىق ساقتاۋ باسقارماسىنان.
اقتوبە وبلىستىق پوليتسيا دەپارتامەنتى وكىلدەرى قىلمىستىق ءىس قوزعالعانىن حابارلادى.