وبلىستىق تارتىپتىك كەڭەستىڭ جاڭا جىلداعى العاشقى وتىرىسىندا سىبايلاس جەمقورلىققا قارسى كۇرەس زاڭناماسىن اياققا باسقان مەكەمە باسشىلارى اياۋسىز سىن ساداعىنا ءىلىنىپ, ونىڭ اقىرى قاتاڭ جازالاۋلارعا ۇلاستى.
ەسىل اۋدانىنا قاراستى جارقايىڭ باستاۋىش مەكتەبىنىڭ مەڭگەرۋشىسى كەمەل تاكيشەۆتىڭ تاپقانى قاپقانىنا از بولسا كەرەك, كوپ ويلانباستان ءوزىن ءوزى «جاڭا قىزمەتكە» تاعايىنداۋ تۋرالى بۇيرىقتى بەرىپ كەپ جىبەرەدى. ءسويتىپ, نەگىزگى قىزمەتىنە قوسا, قازاندىقتىڭ وت جاعۋشىسى «لاۋازىمىن» قوسا اتقارىپ شىعا كەلەدى. ءسىرا, قولىنان كەلتىرىپ قونىشىنان باسقانى ازداي, بيۋدجەتتىڭ قاراجاتىن توبەگە شىرت تۇكىرىپ, قالتاعا باسا بەرەتىن مايشەلپەككە بالاسا كەرەك. قازاندىقتىڭ وتىمەن كىرىپ, ك ۇلىمەن شىعىپ ءجۇرگەن قارانارداي قارا كۇش يەلەرىنە اندا-ساندا توبە كورسەتكەنى بولماسا, جارىتىپ جۇمىس ىستەمەگەن. ال, ەڭبەكاقى الۋعا كەلگەندە ەسەسىن جىبەرمەگەن. بىراق, ونىڭ وڭاي ولجاعا كەنەلۋدى ارمان ەتىپ, ارانداي اشىلعان ارام پيعىلىن پروكۋراتۋرا وكىلدەرى اشكەرەلەپ, سوڭعى نۇكتەنى تارتىپتىك كەڭەس قويدى.
ول كىناسىن مويىنداپ, قانشا اقتالسا دا, قىزمەتىنەن بوساتۋ تۋرالى ۇسىنىس ءبىراۋىزدان قابىلداندى. وت جاعامىن دەپ ءجۇرىپ وت باسقان ونىڭ ءادىلدىكتەن تايعان ارەكەتى وزگەلەرگە ساباق بولسا, كانەكي!
باقىت رامازان, جۋرناليست.
سولتۇستىك قازاقستان وبلىسى.