بۇگىن 5-ءشى دۇنيەجۇزىلىك كوشپەلىلەر ويىندارى مارەسىنە جەتتى. ناتيجەسىندە ۇلتتىق قۇراما 44 التىن, 33 كۇمىس, 37 قولا مەدالمەن جالپى كوماندالىق ەسەپتە ءبىرىنشى ورىنعا جايعاستى, دەپ حابارلايدى Egemen.kz.
ايتا كەتەيىك, دۇنيەجۇزىلىك كوشپەلىلەر ويىندارىنىڭ سوڭعى جارىس كۇنى وتانداستارىمىز 12 التىن, 9 كۇمىس, 10 قولا جۇلدە ەنشىلەدى. وسىلايشا جالپى ەسەپتە قازاقستان قۇراماسى 44 التىن, 33 كۇمىس, 37 (114) قولا جۇلدەمەن كوماندالىق ەسەپتە توپ جاردى.
قىرعىزستان قۇراماسى 18 التىن, 21 كۇمىس, 25 (64) قولا مەدال جەڭىپ الىپ, ەكىنشى ورىنعا جايعاستى.
ال ءۇشىنشى ورىندى وزبەكستان قۇراماسى يەلەندى. ولاردىڭ ەنشىسىندە 11 التىن, 12 كۇمىس, 11 (34) قولا مەدال بار.
ءتورتىنشى ورىن 11 التىن, 10 كۇمىس, 25 قولا مەدال جەڭىپ العان رەسەي قۇراماسىنا بۇيىردى.
بەستىكتى 2 التىن, 2 كۇمىس, 2 قولا مەدالمەن تۇركيا قۇراماسى ەنشىلەدى.
ەسكە سالا كەتەيىك, ءدۇبىرلى دوداعا 89 ەلدەن كەلگەن 2 430-عا جۋىق سپورتشى قاتىسىپ, 21 سپورت تۇرىنەن جۇلدەلەردى ساراپقا سالعان ەدى.