مەملەكەت باسشىسى ەكونوميكالىق بەلسەندىلىكتى قولداۋدىڭ ماڭىزىن دۇرىس اتاپ ءوتتى. بۇل ماسەلەنى شەشۋدىڭ ءتيىمدى قۇرالدارىنىڭ ءبىرى – قارجى ينستيتۋتتارىنىڭ ءرولىن كۇشەيتۋ. قارجى ينستيتۋتتارى ءارتۇرلى ايماقتاعى ەكونوميكالىق باسىم سەكتورلاردى قولداۋدا بەلسەندى پوزيتسيانى ۇستانۋعا ءتيىس.
قارجىلاندىرۋ – فينتەحتەگى ستارتاپتىڭ ءوسۋى مەن يننوۆاتسيانىڭ نەگىزى. ينۆەستيتسيالاردى تابىستى تارتۋعا قارجىلىق-تەحنولوگيالىق جوبالارعا نازار اۋدارا وتىرىپ, ۆەنچۋرلىق قورلاردى قۇرۋ ماڭىزدى. بۇل قۇرال كاپيتالدى ارنايى قارجىلىق تەحنولوگيالار يندۋسترياسىنداعى يننوۆاتسيالىق جوبالارعا باعىتتاۋعا مۇمكىندىك بەرەدى. بۇعان باستاپقى كەزەڭدەگى ستارتاپتارعا ينۆەستيتسيا سالاتىن جەكە سەكتورمەن مەملەكەتتىك قورلار قۇرۋ كىرەدى.
ءىرى بانكتەر مەن كورپوراتسيالاردى تارتۋ جۇيەسىن دە ءبىر ىزگە ءتۇسىرۋ كەرەك. بانكتەر مەن ءىرى كومپانيالار فينتەحكە ستراتەگيالىق ينۆەستيتسيالاۋعا مۇددەلى بولسا, جەكە تەحنولوگياسىن جەتىلدىرەدى, تۇتىنۋشىلار بازاسىن كەڭەيتەدى. سوندىقتان وسى تۇستا ستارتاپتار مەن تەحنولوگيالىق كومپانيالارعا كورپوراتيۆتىك ينۆەستيتسيانى ىنتالاندىرۋ ماڭىزدى.
قازىر ءبىرشاما جۇمىس جۇرگىزىلىپ جاتقانىن ايتا كەتكەن ءجون. مىسال رەتىندە فينتەحتى دامىتۋ سالاسىنداعى «QIC» ناتيجەلەرىن ايتا الامىن. ول ۆەنچۋرلىق قارجىلاندىرۋدى دامىتۋعا ەرەكشە كوڭىل بولەدى: جالپى كاپيتالدانۋى 2,3 ملرد دوللاردى قۇرايتىن 14 جەكە كاپيتالدىڭ, 3 ۆەنچۋرلىق قوردىڭ قاتىسۋشىسى. 50-دەن استام حالىقارالىق ينستيتۋتسيونالدىق ينۆەستورلارمەن, ۇلتتىق ءال-اۋقات قورلارىمەن جانە حالىقارالىق قارجى ينستيتۋتتارىمەن سەرىكتەستىكتە جەكە كاپيتال قورلارىن ينۆەستيتسيالايدى, باسقارادى.
ءبىز ايماقتىق ستارتاپتار ەكوجۇيەسىن ودان ءارى دامىتامىز. سول سەبەپتى, ەكسپورتقا باعىتتالعان ءىت-جوبالاردىڭ وسۋىنە ىقپال ەتۋگە «Astana Hub» جانە باسقا دا جەكە ۇيىمدارمەن ىنتىماقتاستىقتى نىعايتۋدى جالعاستىرامىز. وتاندىق كومپانيالاردى ينۆەستيتسيالاۋ ارقىلى «QIC» ۋاقىت وتە كەلە مەملەكەتتىڭ قارجىلىق تۇراقتىلىعىن نىعايتىپ, ەلەۋلى سالىق تولەۋشىلەرگە اينالعان قۋاتتى نارىققا شىعۋىنا كومەكتەسەدى.
ەربولات جولات,
«Qazaqstan Investment Corporation» اق باسقارما توراعاسى