قازاق حاندىعىنىڭ 550 جىلدىعى, قازاقستان حالقى اسسامبلەياسىنىڭ 20 جىلدىعىنا وراي قىزىلوردا وبلىستىق «اقمەشىت» فولكلورلىق ءانسامبلى مەن «توميريس» بي توبى كونتسەرتتىك باعدارلاماسىمەن ارال اۋدانىندا ساپارمەن بولدى.
كونتسەرت ارال اۋداندىق مادەنيەت ۇيىندە وتكىزىلدى. سازگەر ابىلايحان ىسقاقوۆ جەتەكشىلىك ەتەتىن ونەر ۇجىمى دومبىرا, قوبىز, جەتىگەن, داۋىلپاز, سىرناي, سىبىزعى اسپاپتارىندا قازاق حالقىنىڭ كۇيلەرىن ورىنداپ, جينالعان قاۋىمدى ءتانتى ەتتى. ءانسامبلدىڭ كۇنسۇلۋ تۇرىكپەنوۆا, مايرا سارسەنباەۆا, مارات سۇگىرباي سىندى تانىمال جىرشىلارىنىڭ ورىنداۋىنداعى تەرمەلەرى ارالدىقتاردىڭ قۇلاق قۇرىشىن قاندىردى.
«توميريس» بي توبىنىڭ مىڭ بۇرالا بيلەگەن بيلەرى كورەرمەننىڭ كوزايىمىنا اينالىپ, كەش اجارىن اشا ءتۇستى. ارال اۋدانىنىڭ قۇرمەتتى ازاماتى مۇرات سىدىقوۆ حالىققا كوتەرىڭكى كوڭىل كۇي سىيلاعان ونەر ۇجىمىنا العىسىن ايتىپ, اق باتاسىن بەردى.
«ەگەمەن-اقپارات».