وسكەمەن قالالىق پوليتسيا باسقارماسىنا قولجەتىمدى باعادا پاتەر الامىن دەپ سان سوعىپ قالعان وبلىس تۇرعىنى ارىزدانعان, دەپ حابارلايدى Egemen.kz.
ەر ادام وسكەمەندىك ازاماتتى ارزان باعادا پاتەر الۋعا كومەكتەسەتىنىنە سەندىرىپ, «قىزمەتى» ءۇشىن 500 مىڭ تەڭگە سۇراعان. جابىرلەنۋشى اتالعان سومانى بەرگەننەن كەيىن, ەكەۋارا بايلانىس ءبىرجولا ۇزىلگەن.
Polisia.kz-ءتىڭ جازۋىنشا جەدەل-ىزدەستىرۋ بارىسىندا پوليتسەيلەر 39 جاستاعى كۇدىكتىنى ۇستادى. بۇرىن بىرنەشە رەت سوتتالعان وسكەمەن قالاسىنىڭ تۇرعىنى كىناسىن مويىنداعان. سوتقا دەيىنگى تەرگەۋ امالدارى باستالىپ, ول ۋاقىتشا ۇستاۋ يزولياتورىنا قامالدى.