الماتى وبلىسىندا 19 جاستاعى ءۇش تۋريست تاۋ شىڭىنان ءتۇسىپ كەلە جاتىپ اداسىپ كەتكەن, دەپ حابارلايدى Egemen.kz.
ولار بۋكرەەۆ شىڭىنا كوتەرىلىپ, تومەن ءتۇسىپ كەلە جاتقاندا بايقاۋسىزدا سوقپاق جولدان شىعىپ كەتىپ, اداسىپ قالعان. تەلەفون بايلانىسى ۇستايتىن جەردەن قۇتقارۋشىلاردى شاقىرعان. تاۋ سوقپاقتارىن زەرتتەپ الماي, باعىتتان جاڭىلعاندارعا تجم قىزمەتكەرلەرى كومەككە كەلگەن.
تجم حابارلاماسىندا: «رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى كينولوگيالىق ەسەپ توبىمەن بىرگە كومەك سۇراۋشىلاردىڭ گەولوكاتسياسى بويىنشا تاۋعا كوتەرىلىپ, كورسەتىلگەن ورىننان تابا المادى. جىگىتتەر ءوز كۇشتەرىمەن تۇسۋگە شەشىم قابىلداعان ەكەن, قۇتقارۋشىلار ولاردى ىزدەپ تاۋىپ, جاقىن ايالداماعا دەيىن امان-ەسەن جەتكىزدى», دەلىنگەن.