بۇگىن ەتنواۋىل اۋماعىندا دۇنيەجۇزىلىك كوشپەلىلەر ويىندارى اياسىندا اۋدارىسپاقتان جارىس باستالدى, دەپ حابارلايدى Egemen.kz.
اۋدارىسپاق الامانىنا 9 ەلدەن 64 سپورتشى قاتىسىپ جاتىر. ولاردىڭ قاتارىندا قازاقستان, قىرعىزستان, وزبەكستان, موڭعوليا, رەسەي, قىتاي, اقش, تۇركيا جانە ۆەنگريا بار.
ات ۇستىندەگى ايقاستا قارسىلاستارىن الىپ ۇرعان قازاقستاننىڭ ءۇش سپورتشىسى فينالعا جولداما الدى:
ەرمەك قۇرالباي (60 كەلى); المات لاپتىبەك (70 كەلى); دارىن وتكەلباي (80 كەلى).ەسكە سالا كەتەيىك, بۇگىن, 9 قىركۇيەكتە استاناداعى دۇنيەجۇزىلىك كوشپەلىلەر ويىندارىندا ءداستۇرلى سپورت تۇرلەرىنەن جارىستار وتەدى.