ۇلت ۇستازى ۇلىقتالدى

تىلدەر مەرە­كەسىنە وراي عى­لىم جانە جوعارى ءبىلىم مينيسترلىگى ءتىل ساياساتى كو­ميتەتى, حالىقارالىق «قازاق ءتىلى» قوعامى جانە شايسۇلتان شاياحمەتوۆ اتىنداعى ء«تىل-قازىنا» ۇلتتىق عىلى­مي-پراكتيكالىق ورتا­لىعى الاش كوسەمى, اسا كورنەكتى عالىم, ۇلت ءتىل ءبىلىمىنىڭ نەگىزىن قالاۋشى احمەت باي­تۇرسىن ۇلىنىڭ تۋعان كۇنى اياسىندا باسقوسۋ وتكىزدى.

مەرەكەلىك ءىس-شارادا حالىقارالىق «قازاق ءتىلى» قوعامى ازىرلەگەن قازاق, ورىس جانە اعىلشىن تىلدەرىندەگى «اباي» كىتابىنىڭ تۇساۋى كەسىلدى. سو­نىمەن قاتار احمەت بايتۇرسىن ۇلىنىڭ مۇراسىنا ارنالعان «baitursynuly.kz» سايتى جينالعان قاۋىمعا تانىس­تىرىلدى. مەرەكەلىك باسقوسۋدا ۇلت ۇستازىنىڭ, جالپى الاش قايرات­كەر­لەرىنىڭ شىعار­ما­شىلىق مۇراسى جانە مەملەكەتتىك ءتىلدىڭ وزەكتى قىرى, عىلىم ءتىلى, جاڭا يننوۆاتسيالار ت.ب. ماسەلەلەر تالقىلاندى.

جيىندا قوعام قايراتكەرى ورازكۇل اسانعازى, پارلامەنت دەپۋتاتتارى نۇرتورە ءجۇسىپ, قازىبەك يسا, بولات كەرىمبەك, «قازاق ءتىلى» قوعامىنىڭ پرەزيدەنتى راۋان كەنجەحان ۇلى, ۇعا اكا­دەميكتەرى ديحان قام­زابەك­ ۇلى, شەرۋباي قۇرمانباي ۇلى, جا­زۋشىلار وداعى استانا فيليا­لىنىڭ ديرەكتورى داۋلەتكەرەي كاپ­ ۇلى ويلارىن ورتاعا سالىپ, ماڭىزدى پىكىر­لەر ايتتى.

باسقوسۋعا ەلىمىزدىڭ جوعارى وقۋ ورىن­دارى وقىتۋشىلارى, رەسپۋبليكالىق تەرمينولوگيا كوميس­سياسىنىڭ مۇشەلەرى, «Qyr balasy» قوعامدىق قورى, باس پروكۋراتۋرا, «قازاقتەلەكوم» اق, «قازپوشتا» اق, «KEGOK» اق, «قازاقستان تەمىر جولى» اق وكىلدەرى, مەكتەپ مۇعالىمدەرى قاتىستى.