جامبىل وبلىسىنداعى اقتوعان اۋىلىنىڭ بالالارى جاڭا مەكتەپتىڭ قۇرىلىسى كەشىكتىرىلگەندىكتەن, جەرگىلىكتى مادەنيەت ۇيىندە ساباققا بارۋعا ءماجبۇر, دەپ حابارلايدى Egemen.kz 31 ارناعا سىلتەمە جاساپ.
قازىرگى ۋاقىتتا 600 وقۋشى مادەنيەت ءۇيىنىڭ عيماراتىندا ءبىلىم الىپ ءجۇر. بۇل جەردە ءار كابينەت شىمىلدىق ارقىلى بولىنگەن.
«مادەنيەت ءۇيىنىڭ دالىزىندە 4 ءا جانە 2 ا سىنىپ وقۋشىلارى ەكى اۋىسىمدا وقيدى, سونىمەن قاتار 4 ا سىنىبىندا ءبىز قۇرىلىس ماتەريالدارىن الىپ, وقۋشىلاردىڭ جايلىلىعىن جاقسارتۋ ءۇشىن قاجەتتى وزگەرىستەردى جاساپ جاتىرمىز», دەدى №4 ورتا مەكتەپتىڭ ديرەكتورى ءىلياس ءجۇنىسجانوۆ.
ەلدىمەكەن جۇرتى بۇل جاعداي ءبىلىم ساپاسىنا كەرى اسەر ەتەدى دەپ قىنجىلادى. ال, مەكتەپ باسشىلىعى امالدىڭ جوقتىعىنان وسىنداي قادامعا باردىق دەيدى.
ء«بىلىم بەرۋ مەكەمەلەرىن كۇردەلى جوندەۋدى ۋاقىتىندا باستاۋ ءۇشىن مەملەكەتتىك ساتىپ الۋلار جىلدىڭ باسىنان باستالسا جاقسى بولار ەدى, ءبىز قاڭتار ايىندا ءوتىنىم بەردىك, بىراق تەندەر كەش وتكىزىلدى», دەيدى مەركى اۋداندىق ءبىلىم ءبولىمىنىڭ باسشىسى ايگەرىم التىنباەۆا.