ەگىزدەر بەكجانوۆ اتىنداعى №10 مەكتەپتىڭ ءبىرىنشى سىنىبىنا قابىلداندى. بۇل تۋرالى اقتاۋ قالاسى اكىمدىگىنىڭ ءباسپاسوز قىزمەتى حابارلادى, دەپ جازادى Egemen.kz.
بەينەجازبادان مەكتەپ فورماسىن كيگەن بىرنەشە جۇپ ەگىزدىڭ العاشقى ساباق كۇنىنە بارا جاتقانىن كورۋگە بولادى. ءار ەگىز ءوز باۋىرىنىڭ قاسىندا وتىرعانىن دا بايقاي الامىز.
ءبىلىم مەكەمەسىنىڭ ديرەكتورى مۇنداي جاعداي ءبىرىنشى رەت تىركەلىپ وتىرعانىن العا تارتتى.
«بۇرىن ءبىزدىڭ مەكتەپتە مۇنداي جاعداي بولعان ەمەس. ءبيىل بىرىنشى سىنىپقا بىردەن جەتى جۇپ ەگىز تۇستى. مەكتەپتە 0-دەن 11-سىنىپقا دەيىن بارلىعى 30 جۇپ ەگىز وقيدى», دەيدى مەكتەپ ديرەكتورى.
سونداي-اق ديرەكتور مەكتەپتە بارلىعى 2 213 بالا ءبىلىم الىپ جاتقانىن قوسا ايتتى.