بۇگىن ىلە اۋدانىنىڭ اكىمى باعدات قاراساەۆ قىزمەت بابىن جانە وكىلەتتىگىن اسىرا پايدالاندى دەگەن كۇدىكپەن ۇستالعانى تۋرالى اقپارات تارادى. بۇل اقپاراتتى سىبايلاس جەمقورلىققا قارسى ءىس-قيمىل اگەنتتىگى راستادى, دەپ حابارلايدى Egemen.kz.
«سىبايلاس جەمقورلىققا قارسى قىزمەت سوتقا دەيىنگى تەرگەۋ اياسىندا الماتى وبلىسىنىڭ اۋدان اكىمى مەن باسقا دا تۇلعالاردىڭ اشكەرەلەنگەنىن راستايدى. سوتتىڭ رۇقساتىمەن كۇدىكتىلەر قاماۋعا الىندى. تەرگەۋ جالعاسىپ جاتىر. قر قىلمىستىق-پروتسەستىك كودەكسىنىڭ 201-بابىنىڭ شەڭبەرىندە وزگە مالىمەتتەر جاريالانۋعا جاتپايدى», دەپ حابارلادى ۆەدومستۆو وكىلدەرى.
60 جاستاعى باعدات قاراساەۆ 2018 جىلدىڭ قىركۇيەگىنەن باستاپ ىلە اۋدانىنىڭ اكىمى قىزمەتىن اتقارعان. بۇعان دەيىن الماتى وبلىسى اكىمىنىڭ كەڭەسشىسى بولعان.