ەلباسى نۇرسۇلتان نازارباەۆ قازاقستان رەسپۋبليكاسىنىڭ ەڭبەك سىڭىرگەن قايراتكەرى, سۋرەتشى كامىل مۋللاشەۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋ بارىسىندا قازاقستان مادەنيەتىنىڭ, اتاپ ايتقاندا, بەينەلەۋ ونەرىنىڭ قازىرگى احۋالى مەن كەلەشەگى تالقىلاندى.
مەملەكەت باسشىسى ك.مۋللاشەۆتىڭ وتاندىق سۋرەت ونەرىن دامىتۋعا قوسقان ەلەۋلى ۇلەسىنە توقتالدى. نۇرسۇلتان نازارباەۆ اتاپ كورسەتكەندەي, سۋرەتشىنىڭ تۋىندىلارى قازاقستاندا عانا ەمەس, تاياۋ جانە الىس شەتەلدەردىڭ كورمەلەرىنە دە قويىلعان.
قازاقستان پرەزيدەنتى ەلدىڭ ءداستۇرلى مادەني جانە رۋحاني قۇندىلىقتارىن ساقتاۋ مەن بۇدان ءارى تانىمال ەتۋ قاجەتتىگىنە نازار اۋداردى. ك.مۋللاشەۆ ءوز كەزەگىندە مەملەكەت باسشىسىنا مادەنيەت پەن ونەردى دامىتۋ ماسەلەلەرىنە ۇدايى قامقورلىق پەن جان-جاقتى قولداۋ كورسەتىپ كەلە جاتقانى ءۇشىن العىس ايتىپ, شىعارماشىلىق جوسپارلارى جونىندە اڭگىمەلەدى.