بۇگىن قاسىم-جومارت توقاەۆ قازاقستان حالقىنا ءداستۇرلى جولداۋىن جاريالادى. سەناتور گەننادي شيپوۆسكيح جولداۋدا ۇتىمدى ۇسىنىستار ايتىلعانىن العا تارتتى, دەپ جازادى Egemen.kz.
گەننادي شيپوۆسكيح «بانكتەر» تۋرالى جاڭا زاڭدى حالىق كۇتكەنىن اتاپ ءوتتى.
«بۇگىن قر پارلامەنتى پالاتالارىنىڭ بىرلەسكەن وتىرىسىندا ەلىمىزدىڭ پرەزيدەنتى قاسىم-جومارت توقاەۆتىڭ قازاقستان حالقىنا جولداۋى جاريالاندى. جولداۋ بارىسىندا مەملەكەتىمىزدىڭ دامۋىنا قاتىستى وتە مىقتى ۇسىنىستار جانە تەتىكتەر ايتىلدى. بىرىنشىدەن, ەلىمىزگە «بانكتەر» تۋرالى جاڭا زاڭنىڭ قاجەتتىلىگى. مەنىڭ ويىمشا بۇل ماسەلە ەل ازاماتتارى ءۇشىن جاۋىر بولدى. ەكىنشىدەن, تۋريستتىك كلاستەردى دامىتۋ ءۇشىن جاقسى ينفراقۇرىلىم ازىرلەۋ. شىن مانىندە, بۇل ايتىلعان ماسەلە وتە ورىندى. ءبىزدىڭ ازاماتتار نەمەسە سىرتتان كەلگەن قوناقتار تۋريستتىك ايماققا دەمالۋعا شىققان كەزدە, جولمەن الىسپاي, ابىرجىمەي, دەمالىستىن نە ەكەنىن سەزىنۋ كەرەك! ۇشىنشىدەن, بولاشاقتا تەحنيكالىق ماماندىقتارعا بايلانىستى جاس مامانداردى دايارلاۋ. بۇل بويىنشا ءبىزدىڭ جۇيەدە ۇلكەن كەمشىلىك بار. بولاشاقتا وسى دۇنيە بويىنشا ەلىمىزدە مامان دەفيتسيتىن بولدىرماۋ ءۇشىن, ءبىز قازىردەن مىقتى تەحنولوگتار مەن ينجەنەرلەردى دايارلاۋىمىز كەرەك», دەدى سەناتور.
سونداي-اق ول ەلىمىزدە الداعى 2025 جىلدى «جۇمىسشى ماماندىقتار جىلى» دەپ جاريالاۋ قاتارداعى جۇمىسشىلاردىڭ ادال ەڭبەگىن دارىپتەۋگە زور ىقپال ەتەتىنىن ايتتى.
ء«تورتىنشى قۋانىشتى جاڭالىق - كەلەسى جىلدى «جۇمىسشى ماماندىقتار جىلى» دەپ جاريالاۋ. بۇل ەڭبەك ادامى ءۇشىن وتە ماڭىزدى. ءبىز جۇمىسشى ماماندىقتاردى قۇرمەتتەپ قانا قويماي, ودان بولەك دارىپتەۋىمىز دە كەرەك دەپ ويلايمىن. جالپى جولداۋدا ەلىمىزدىڭ دامۋىنا قاتىستى وتە كوپ ماڭىزدى ماسەلەلەر قوزعالدى. ەندى الداعى ۋاقىتتا وسىنىڭ بارلىعى ىسكە اسىپ جاتسا, ەل يگىلىگى ءۇشىن جاسالار جاقسىلىقتار كوپ بولادى», دەدى گەننادي شيپوۆسكيح.