باس پروكۋراتۋرا مەن قارجى مونيتورينگى اگەنتتىگىنىڭ قىزمەتكەرلەرى بىرىككەن اراب امىرلىكتەرىنەن زاڭسىز ويىن بيزنەسى نۇيىمداستىرعانى ءۇشىن قىلمىستىق جاۋاپكەرشىلىككە تارتۋ ءۇشىن قازاقستان ازاماتىن ەكستراديتسيالادى, دەپ جازادى Egemen.kz.
- كۇدىكتى 2023-2024 جىلدار ارالىعىندا اتىراۋ وبلىسىندا بۋكمەكەرلىك كەڭسە تۇرىندەگى زاڭسىز ويىن بيزنەسىن ۇيىمداستىرىپ, ناتيجەسىندە 21 ملن تەڭگە كولەمىندە پايدا تاپقان.
قىلمىس جاساعاننان كەيىن كۇدىكتى جاسىرىنىپ, حالىقارالىق ىزدەۋگە جاريالاندى, - دەلىنگەن باقىلاۋشى ورگاننىڭ مالىمەتىندە.
اعىمداعى جىلدىڭ تامىز ايىندا ول ابۋ-دابي قالاسىنىڭ اۋماعىندا ۇستالىپ, كەيىننەن قازاقستان رەسپۋبليكاسىنا ەكستراديتسيالاندى.
ايتا كەتەرى, ول بۇرىن وسىنداي قىلمىس جاساعانى ءۇشىن سوتتالعان.
قازىرگى ۋاقىتتا كۇدىكتى استانا قالاسىنىڭ تەرگەۋ يزولياتورىنا قامالدى.
ايىپتالعان قىلمىس جاساعانى ءۇشىن مۇلكى تاركىلەنىپ, 4 جىلدان 7 جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.