ەۋرازيا ۇلتتىق ۋنيۆەرسيتەتىنىڭ مىڭداعان ادامنان تۇراتىن ۇجىمى نۇرسۇلتان ءابىش ۇلى نازارباەۆتى قازاقستان رەسپۋبليكاسىنىڭ پرەزيدەنتتىگىنە سايلاۋدا جەڭىسكە جەتۋىمەن قۇتتىقتايدى.
سايلاۋدىڭ بۇگىنگى قورىتىندىسى – ەلباسىنىڭ ءسوزسىز بەدەلىنىڭ, قازاقستاندىق حالىقتىڭ ونىڭ ەلىمىزدى الەۋمەتتىك-ەكونوميكالىق جاعىنان دامىتۋعا جانە حالىقارالىق ارەناداعى بەدەلىن نىعايتۋعا باعىتتالعان ساياساتىن كەڭىنەن قولدايتىندىعىنىڭ دالەلى. كەزەكتەن تىس وتكىزىلگەن سايلاۋدا نۇرسۇلتان ءابىش ۇلى نازارباەۆتىڭ قايتا سايلانۋى – قازاقستاننىڭ ورتاق اسپانى استىندا ءومىر ءسۇرىپ جاتقان بارشا حالىقتىڭ تاريحي جەڭىسى.
ءبىز قازاقستاننىڭ گۇلدەنگەن بولاشاعى ءۇشىن داۋىس بەردىك. وسى جىلدار ىشىندە ءبىز ابىرويسىز, جالاڭ سوزدىلەرگە سەنبەۋدى, جانە جالعان ۋادەلەرگە كوزسىز ەرە بەرمەۋدى ۇيرەندىك. وسى جىلدار بويى ءبىز ءبىر ادامنىڭ ومىرلىك ۇستانىمى ەلىمىزدى قۋاتتى مەملەكەتتەر قاتارىنا قوسا الاتىنىنا سەندىك. بۇل ادامنىڭ ەسىمى تەك قازاقستان ازاماتتارىنا عانا تانىمال ەمەس – ونىڭ ەسىمى تۇراقتىلىقتىڭ, بەيبىتشىلىك پەن گۇلدەنۋدىڭ بەلگىسى بولىپ تابىلادى. نۇرسۇلتان ءابىش ۇلى نازارباەۆ – ءوز حالقىنا سەنەتىن كوشباسشى.
بۇگىندە ءبىز بولاشاعىمىزدى بىرىگىپ قۇرۋدامىز. ءناتيجەسى قازاقستان ازاماتتارىنىڭ ۋاقىتتىڭ جاھاندىق وزگەرىستەرى اياسىندا ساياسي بەلسەندى ەلگە اينالىپ وتىرعاندىعىن كورسەتەدى. بۇل رەتتە – ءبارى اشىق بولدى, سايلاۋ الدى ناۋقان بارىسى بايقاۋشىلاردىڭ, تاۋەلسىز ساراپشىلاردىڭ جۇمىسىنان كورىنىس تاپتى, سايلاۋ الدى ەتيكا ساقتالدى.
ەلىمىزدىڭ تاريحىنداعى ەڭ قىسقا جانە ەڭ ماڭىزدى سايلاۋالدى ناۋقان حالىقتىڭ اۋىزبىرشىلىگىمەن, ىنتىماقتاستىعىمەن جانە بولاشاققا دەگەن ۇمتىلىسىمەن ەستە قالادى, بايقاۋشىلاردىڭ ءوزدەرى ۇيىمداستىرۋدىڭ جانە دەموكراتيالىقتىڭ جوعارى دەڭگەيىن اتاپ ءوتتى. ۇمىتكەر نۇرسۇلتان نازارباەۆتىڭ سايلاۋ الدى ناۋقانى وتە بىرەگەي, ەستە قالارلىق بولىپ تابىلدى. ستۋدەنتتەر قاۋىمى سايلاۋ الدى ناۋقاننىڭ بارىسىن قىزىعا باقىلاپ قانا قويعان جوق: دارىندى جانە باستاماشىل, ۇزدىك, اقىلدى جانە دۇرىس باعىتتا دامۋعا ۇمتىلعان جاستار كوشباسشىنىڭ بىرەۋ عانا بولاتىنىن بىلەدى. ول بارلىعىن بولاشاق ۇرپاقتىڭ يگىلىگى ءۇشىن جاسايدى. سونداي-اق, ءبىز ەلىمىزدىڭ بولاشاق بەينەسىن ايقىندايتىن بىرقاتار ماڭىزدى يننوۆاتسيالىق شەشىمدەر قابىلدانعان ءبىلىم سالاسىندا دا پرەزيدەنتتىڭ شىعارماشىلىق قۋاتى ەرەكشە كورىنىس بەرەتىندىگىنە كوزىمىز جەتتى: «نازارباەۆ ۋنيۆەرسيتەت», نازارباەۆ زياتكەرلىك مەكتەپتەرى حالىقارالىق اۋقىمداعى زياتكەرلىك ويدى ورىستەتۋ ۇلگىسىنە اينالدى.
مىنە, سوندىقتان ول – تۇڭعىش. ونىڭ باستامالارى جاريا بولعان ساتتەن باستاپ بىردەن ارەكەت ەتۋگە جەتەلەيدى, وسىنداي تۇراقتىلىقپەن شەشىمدەردى جۇزەگە اسىرۋ مەملەكەت باسشىسىنىڭ اڭىزعا اينالعان ساياسي جىگەرىمەن قامتاماسىز ەتىلگەن مەملەكەتتىك اپپاراتتىڭ ۇيلەسىمدى جانە ىنتالى جۇمىس جاساۋىن تالاپ ەتەدى. نۇرسۇلتان ءابىش ۇلى نازارباەۆ – بىرەگەي تۇلعا, قازاقستان تاريحىنا جاڭا داۋىرمەن جاناسقان ىرگەلى وقيعالاردى ۇيلەسىمدى ەنگىزە بىلگەن بىرەگەي باسشى.
ول حالىقتىڭ ىشىنەن شىقتى. قىزمەتتىك ساتى يىرىمدەرىندە باسشىلىق ەتۋدى جەتىلدىرگەن, ساياسي كۇرەس كورىگىندە قايسار مىنەزىن شىنىقتىرعان, جىگەرلى, دارىندى, ءوز ماقساتىنا بارار جولدا تاباندى جانە قاجىرلى بولا ءبىلدى. ول تاريحقا تاۋەلسىز قازاقستاننىڭ تۇڭعىش پرەزيدەنتى رەتىندە ەندى, بىردەن-ءبىر ەكونوميكالىق ورلەۋدى قامتاماسىز ەتە وتىرىپ, ەلىمىزدى مەملەكەتتىڭ قالىپتاسۋىنداعى قيىن-قىستاۋ جىلداردان امان الىپ شىقتى.
الەمدىك دەڭگەيدەگى ويلار. ۇلتتىق وقيعالاردى الەمدىك ۇدەرىستەرمەن سالىستىرا وتىرىپ, شەشىمدى حالىقتىڭ يگىلىگىنە جانە مەملەكەت مۇددەسىنە ساي قابىلدايدى. بۇل, قايتالاپ ايتايىن, نازارباەۆتىڭ ءبىلىم سالاسىنداعى باستامالارى مىسالىندا ەرەكشە كورىنىس بەرەدى, وندا بارلىق شەشىمدەر ەڭ جوعارعى باعان بويىنشا قابىلدانعان.
تاعى دا ۇلتتىق باسىمدىقتار, ادامگەرشىلىك قۇندىلىقتار ماڭىزى جونىندە. «قازاقستان تاريحى مەن مادەنيەتى – جاستار جاسامپازدىقتىڭ قۋاتتى كوزىمەن سۋسىنداي الاتىن قاينار بۇلاق», – دەيدى پرەزيدەنت. بۇگىندە ۇلتتىق باسىمدىقتار قاتارىندا – قازاقستان حالقى اسسامبلەياسى. ونىڭ XXII سەسسياسىندا توراعا نۇرسۇلتان ءابىش ۇلى نازارباەۆ اسسامبلەيانىڭ ءوزى شەشۋگە قاتىساتىن مىندەتتەردى العا قويدى: ەلىمىزدى جاڭا يندۋستريالاندىرۋ, «نۇرلى جول» باعدارلاماسى, 5 حالىقتىق رەفورما – «جاڭا يندۋستريالاندىرۋ, «ماڭگىلىك ەل» – بۇلار كوپ جىلعا بۇرىن ەسەپتەلگەن ۇرپاقتان-ۇرپاققا جالعاساتىن مەگا-جوبالار. ولاردى تەك قۋاتتى بۇكىلحالىقتىق مەحانيزم عانا ىسكە قوسۋعا قابىلەتتى. بولاشاق ءبىرتۇتاس ۇلت وسىنداي بولا الادى. ءبىز بىرەگەي جانە حالىق بىرلىگىنىڭ وسى كەزگە دەيىن ەش جەردە قايتالانباعان مودەلىن قالىپتاستىرۋدامىز», – دەپ اتاپ ءوتتى ەلباسى.
مەملەكەت باسشىسى بولۋ – اۋىر جۇك. بىراق ءبىز ەلباسىنىڭ ءسوزسىز كاسىبيلىگى جىلدار بويى شىڭدالىپ, ءوزىنىڭ كۇش-قۋاتىمەن ول جىلدان-جىلعا حالقىمىزدى جانە ەلىمىزدى گۇلدەندىرەتىنىنە, ول ءومىر جولىنداعى بارلىق قيىنشىلىقتاردى ەسىندە ساقتاي وتىرىپ, باستى ماقساتىن بەرىك ۇستاناتىنىنا كۇمانىمىز جوق.
ۋاقىت پەن وقيعالار ءبىزدىڭ تاڭداۋىمىزدىڭ دۇرىستىعىن راستايدى. پرەزيدەنت بولاشاق كودىن بىلەدى: بۇل ءبىزدىڭ ءداستۇرلى تۇردە بىلىمگە دەگەن ۇمتىلىسىمىز. ءبىلىم دەگەن كيەلى ۇعىم. بولاشاق جاستاردىڭ بىلىمدىلىگىمەن ايقىندالادى. ءبىلىم الۋ – ءبىزدىڭ باستى پاراديگمامىز, ول قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ تۇلعاسىندا تولىعىمەن كورىنىس تاپقان. ونىڭ قىزمەتىندە ۇنەمى ۇلتتىق اۋقىمداعى جوبالاردا جۇزەگە اسىرىلىپ وتىراتىن بىلىمگە دەگەن تەڭدەسسىز ۇقىپتىلىق, بىراق بەلسەندى, زەردەلى جانە سونىمەن قاتار, باستاماشىل قاتىناستى كورۋگە بولادى.
بۇگىندە پرەزيدەنتتىڭ يدەيالارى, باستامالارى, ارەكەتتەرى ماڭگىلىكپەن ۇشتاسۋ ىسپەتتەس, ولاردىڭ ناقتى ىرگەتاسى بار. بىزگە تەك جۇمىس جاساۋ كەرەك. تىنىم تاپپاي. پرەزيدەنتپەن بىرگە.
ەرلان سىدىقوۆ,
ل.ن. گۋميلەۆ اتىنداعى
ەۇۋ رەكتورى.