وسكەمەندە بەس قاباتتى تۇرعىن ۇيدەن ءورت شىعىپ, 10 ادام ەۆاكۋاتسيالاندى, 4 تۇرعىن قۇتقارىلدى, دەپ حابارلايدى Egemen.kz.
ءورت بەس قاباتتى تۇرعىن ءۇيدىڭ ءۇشىنشى قاباتىنداعى پاتەردەن شىققان. قۇتقارۋشىلار وقيعا ورنىنا دەرەۋ جەتىپ, قۇتقارۋ قۇرىلعىسىنىڭ كومەگىمەن 4 تۇرعىندى قۇتقارعان. ولاردىڭ اراسىندا 3 بالا بار.
سونداي-اق ءتۇتىن ايماعىنان 10 تۇرعىن ەۆاكۋاتسيالاندى. پاتەردەگى تۇرمىستىق زاتتار ورتەنگەن, ءورت 30 شارشى مەتر الاڭدا شارپىعان.
تجم-ءنىڭ مالىمەتىنشە, زارداپ شەككەندەر جوق. ءورتتىڭ سەبەبى انىقتالىپ جاتىر.