قاراعاندىدا پوليتسەيلەر كونتسەرت كەزىندە جوعالعان 35 بالانى اتا-انالارىنا قايتارىپ بەردى, دەپ حابارلايدى Egemen.kz.
قاراعاندى وبلىسىندا تۇرعىندار كەنشىلەر كۇنىن اتاپ ءوتىپ جاتىر. ءىس-شارالار بىرنەشە تاۋ-كەن قالاسىندا ءوتتى.
تۇرعىندار سانى ميلليونعا جاقىنداعان قاراعاندىدا سەنبى كۇنى كەشكە جەرگىلىكتى ەسترادا جۇلدىزدارىنىڭ عانا ەمەس, قازاقستاندىق جانە رەسەيلىك جۇلدىزداردىڭ قاتىسۋىمەن مەرەكەلىك كونتسەرت ءوتتى.
قالانىڭ ورتالىق الاڭىنا 50 مىڭ كورەرمەن جينالدى. قوعامدىق ءتارتىپتى ساقتاۋعا 500-دەن استام پوليتسيا قىزمەتكەرى اتسالىستى.
كونتسەرت بارىسىندا 35 بالا ەرەسەكتەردىڭ قاراۋىنسىز قالىپ, اداسىپ كەتكەن. پوليتسەيلەر كومەككە كەلىپ, بارلىق بالا اتا-انالارىنا قايتارىلدى.
قاراعاندى وبلىسىنىڭ پوليتسيا دەپارتامەنتىنىڭ حابارلاۋىنشا, مۇنداي اۋقىمدى ءىس-شارانى وتكىزۋ كەزىندە بىردە-ءبىر قۇقىق بۇزۋشىلىققا جول بەرىلمەگەن.